IPL 2023: టాస్ గెలిచిన పంజాబ్‌ కింగ్స్‌..

దిశ, వెబ్‌డెస్క్: IPL 2023లో భాగంగా ధర్మశాల వేదికగా ఢిల్లీ క్యాపిటల్స్‌‌తో జరుగుతున్న మ్యాచ్‌లో పంజాబ్‌ కింగ్స్‌ టాస్ గెలిచి ఫీల్డింగ్ ఎంచుకుంది. ఈ సీజన్‌లో గబ్బర్‌ నాయకత్వంలో పంజాబ్ కింగ్స్ కాస్త ఆశలు రేపుతోంది. ఇప్పటికే 12 మ్యాచుల్లో 6 విజయాలతో 12 పాయింట్లు సాధించింది. మరో 4 పాయింట్లు వస్తే నాకౌట్‌ దశకు చేరుకోవచ్చు. ఇందుకోసం మొదట దిల్లీ క్యాపిటల్స్‌ను ఓడించాలి. ఫైనల్‌ ఫోర్‌ రేసులో ఉండాలంటే ఢిల్లీపై పంజాబ్‌ భారీ విజయం సాధించాల్సి ఉంటుంది.

ఢిల్లీ ఇదివరకే ప్లే ఆఫ్స్‌ రేసు నుంచి నిష్క్రమించడంతో ఆ జట్టుకు గెలుపోటములతో సంబంధం ఉండదు. ఢిల్లీపై పంజాబ్‌ భారీ తేడాతో గెలిస్తే, రన్‌రేట్‌ మెరుగుపర్చుకోవడంతో పాటు 14 పాయింట్లు సాధించి, ప్లే ఆఫ్స్‌ అవకాశాలు సజీవంగా ఉంచుకుంటుంది.

ఢిల్లీ క్యాపిటల్స్ (ప్లేయింగ్ XI):

డేవిడ్ వార్నర్ (సి), పృథ్వీ షా, ఫిలిప్ సాల్ట్ (డబ్ల్యు), రిలీ రోసోవ్, అక్షర్ పటేల్, అమన్ హకీమ్ ఖాన్, యష్ ధుల్, కుల్దీప్ యాదవ్, అన్రిచ్ నార్టే, ఇషాంత్ శర్మ, ఖలీల్ అహ్మద్

పంజాబ్ కింగ్స్ (ప్లేయింగ్ XI):

శిఖర్ ధావన్(సి), అథర్వ టైడే, లియామ్ లివింగ్‌స్టోన్, జితేష్ శర్మ(w), సామ్ కుర్రాన్, షారుఖ్ ఖాన్, హర్‌ప్రీత్ బ్రార్, రాహుల్ చాహర్, కగిసో రబాడ, నాథన్ ఎల్లిస్, అర్ష్‌దీప్ సింగ్