చెన్నై‌కు బిగ్ షాక్.. ప్లే ఆఫ్ రేసులో KKR

దిశ, వెబ్‌డెస్క్: ఐపీఎల్ 2023లో లో భాగంగా చెన్నై, కోల్‌కతా మధ్య ఆదివారం రాత్రి జరిగిన 61వ మ్యాచ్‌లో KKR జట్లు ఆరువికెట్ల తేడాతో విజయం సాధించింది. తప్పక గెలవాల్సిన మ్యాచ్ లో టాస్ గెలిచిన చెన్నై జట్టు ఓపెనర్లు వెంట వెంటనే అవుట్ అవ్వడం తో పీకల్లోతు కష్టాల్లో పడింది. కేవలం 72 పరుగులకే 5 వికెట్లు కోల్పోగా.. యువ బ్యాటర్ దుబే, జడేజా నిలకడగా రాణించి జట్టును ఆదుకున్నారు.

దీంతో చెన్నై 20 ఓవర్లలో 6 వికెట్ల నష్టానికి 144 పరుగులు మాత్రమే చేసింది. అనంతరం 145 పరుగుల లక్ష్యంతో చేజింగ్ దిగిన KKR జట్టు కూడా వరుసగా 33 పరుగులకే 3 వికెట్లు కోల్పోయింది. కాగా కెప్టెన్ నితీష్ రాణా, రింకు సింగ్ క్రీజ్ నిలదొక్కుకుని నాలుగో వికెట్ కు 99 పరుగుల భాగస్వామ్యాన్ని అందించారు. దీంతో కోల్‌కతా జట్టు 18.3 ఓవర్లకు 147 పరుగులు చేసి విజయాన్ని సాధించి చెన్నై జట్టుకు షాక్ ఇచ్చి.. ప్లే ఆఫ్ రేసులో తాము కూడా ఉన్నట్లు సత్తా చాటింది.