దిశ, వెబ్‌డెస్క్: IPL 2023లో భాగంగా ఈడెన్‌ గార్డెన్‌ వేదికగా కోల్‌కతా నైట్‌రైడర్స్‌‌తో జరుతున్న మ్యాచ్‌లో సన్‌రైజర్స్ ఓపెనర్ హారీ బ్రూక్ (100 నాటౌట్: 55 బంతుల్లో, 12 ఫోర్లు, 3 సిక్సర్లు) సెంచరీతో చెలరేగగా.. సన్‌రైజర్స్ భారీ స్కోరు చేసింది. నిర్ణీత 20 ఓవర్లలో 4 వికెట్లు కోల్పోయి 229 పరుగులు చేసింది. సన్‌రైజర్స్ కెప్టెన్ ఐడెన్ మార్క్‌రామ్ 26 బాల్స్‌లో 50 స్కోరు చేసి.. వరుణ్ చక్రవర్తి బౌలింగ్‌లో రస్సెల్ క్యాచ్‌ అందుకోవడంతో ఔటయ్యాడు. చివర్లలో అభిషేక్ వర్మ 16 బంతుల్లో 32 పరుగులతో రాణించాడు. వరుణ్ చక్రవర్తి వేసిన ఇన్నింగ్స్ 18వ ఓవర్‌లో 14 పరుగులు రావడంతో 2 ఓవర్లు మిగిలి ఉండగానే 200 మార్కు దాటేసింది సన్‌రైజర్స్ హైదరాబాద్. కోల్‌కతా బౌలర్లలో రస్సెల్ 3, వరుణ్ చక్రవర్తి 1 వికెట్ తీశారు. ఐపీఎల్ 2023 సీజన్‌లో ఏ జట్టుకైనా ఇదే అత్యధిక స్కోరు. అలాగే ఈ ఐపీఎల్ సీజన్‌లో హ్యారీ బ్రూక్‌దే మొదటి సెంచరీ కావడం విశేషం