IPL 2023: టాస్ గెలిచిన ఢిల్లీ క్యాపిటల్స్..

దిశ, వెబ్‌డెస్క్: IPL 2023లో భాగంగా ఉప్పల్ వేదికగా సన్‌రైజర్స్ హైదరాబాద్‌తో జరుగుతున్న మ్యాచ్‌లో ఢిల్లీ క్యాపిటల్స్ టాస్ గెలిచి బ్యాటింగ్ ఎంచుకుంది. ఐపీఎల్‌లో సన్‌రైజర్స్ హైదరాబాద్‌, ఢిల్లీ క్యాపిటల్స్‌ మధ్య పోరు ఎప్పుడూ ఆసక్తికరంగానే ఉంటుంది. అయితే ఢిల్లీపై ఆరెంజ్‌ ఆర్మీదే పైచేయిగా ఉంటుంది. ఈ రెండు జట్లు ఇప్పటి వరకు 21 సార్లు తలపడ్డగా.. సన్‌రైజర్స్‌ 11 సార్లు గెలవగా ఢిల్లీ 9 విజయాలు సాధించింది. ఒక మ్యాచ్‌ డ్రా గా ముగిసింది.

ఉప్పల్‌ పిచ్‌ రిపోర్ట్..

ఉప్పల్‌ పిచ్‌ చివరి మూడు మ్యాచుల్లో మొదటగా బ్యాటింగ్‌ చేసిన జట్లకే అనుకూలించింది. రెండు విజయాలు అందించింది. సూర్యాస్తమయం కావడంతో పిచ్‌పై నెర్రలు పెద్దవయ్యే అవకాశం ఉండటంతో.. స్పిన్నర్లు అనుకూలంగా ఉంటుంది. సెకండ్‌ బ్యాటింగ్‌ చేసేటప్పుడు కొంత డ్యూ ఫ్యాక్టర్‌ ఉంటుంది. ఇక ఉప్పల్‌లో ఇప్పటి వరకు 67 టీ20లు జరగ్గా ఛేదన జట్లే 38 విజయాలు అందుకున్నాయి. మొదట బ్యాటింగ్‌ చేసిన టీమ్స్‌ 29 విజయాలు అందుకున్నాయి.

హైదరాబాద్ (ప్లేయింగ్ ఎలెవన్):

మయాంక్ అగర్వాల్, హ్యారీ బ్రూక్, ఐడెన్ మార్క్రామ్ (సి), హెన్రిచ్ క్లాసెన్ (డబ్ల్యూకే), అభిషేక్ శర్మ, మార్కో జాన్సెన్, వాషింగ్టన్ సుందర్, మయాంక్ మార్కండే, భువనేశ్వర్ కుమార్, టి నటరాజన్, ఉమ్రాన్ మాలిక్.

ఢిల్లీ (ప్లేయింగ్ XI):

డేవిడ్ వార్నర్ (సి), ఫిలిప్ సాల్ట్ (డబ్ల్యుకె), మిచెల్ మార్ష్, సర్ఫరాజ్ ఖాన్, మనీష్ పాండే, అక్షర్ పటేల్, అమన్ ఖాన్, రిపాల్ పటేల్, అన్రిచ్ నార్ట్జే, కుల్దీప్ యాదవ్, ఇషాంత్ శర్మ.