ఐపీఎల్ 2024: టాస్ గెలిచిన ముంబై

దిశ, వెబ్‌డెస్క్: ఐపీఎల్ 2024లో భాగంగా నేడు 8వ మ్యాచ్ సన్ రైజర్స్, ముంబై జట్ల మధ్య జరగనుంది. ఈ మ్యాచ్ హైదరాబాద్ ఉప్పల్ స్టేడియంలో జరుగుతుండటంతో.. SRH జట్టుకు భారీ బలం చేకూరుతుంది. అలాగే హోమ్ గ్రౌండ్‌లో ఆరెంజ్ ఆర్మీకి తిరుగులు లేదు. దీనికి తోడు.. హైదరాబాద్ జట్టు ప్లేయర్లు అందరూ భీకర ఫామ్ లో కొనసాగుతున్నారు. అలాగే మొదటి మ్యాచులో గెలుపు అంచుల వరకు వెళ్లి ఓటమి చవిచూసిన సన్ రైజర్స్ జట్టు ఈ మ్యాచుల్లో ఎలాగైన గెలవాలనే తపనతో ఉంది.

మరోపక్క ముంబై జట్టుకు కూడా హైదరాబాద్‌లో మంచి రికార్డులు ఉన్నాయి. వీరు కూడా ఈ మ్యాచ్ లో గెలిచి ఈ సీజన్ లో మొదటి విజయం దక్కించుకోవాలని చూస్తున్నారు. ఈ క్రమంలో జరిగే మ్యాచ్ పూర్తి ఆసక్తికరంగా, ఉత్కంఠ రితంగా సాగనుంది. కాగా ఈ మ్యాచ్ లో టాస్ గెలిచిన ముంబై జట్టు మొదట బౌలింగ్ ఎంచుకుంది. దీంతో హైదరాబాద్ జట్టు మొదట బ్యాటింగ్ చేయనుంది. మరి ఈ మ్యాచ్ లో ఎవరు గెలిచి తమ ఖాతాను తెరుస్తారో తెలియాలంటే..చివరి వరకు వేచి చూడాల్సిందే మరి.

సన్‌రైజర్స్ హైదరాబాద్ (ప్లేయింగ్ XI): ట్రావిస్ హెడ్, మయాంక్ అగర్వాల్, అభిషేక్ శర్మ, ఐడెన్ మార్క్రమ్, హెన్రిచ్ క్లాసెన్(w), అబ్దుల్ సమద్, షాబాజ్ అహ్మద్, పాట్ కమిన్స్(సి), భువనేశ్వర్ కుమార్, మయాంక్ మార్కండే, జయదేవ్ ఉనద్కత్

ముంబై ఇండియన్స్ (ప్లేయింగ్ XI): ఇషాన్ కిషన్(w), రోహిత్ శర్మ, నమన్ ధీర్, తిలక్ వర్మ, హార్దిక్ పాండ్యా(c), టిమ్ డేవిడ్, గెరాల్డ్ కోయట్‌జీ, షామ్స్ ములానీ, పీయూష్ చావ్లా, జస్ప్రీత్ బుమ్రా, క్వేనా మఫాకా