హైదరాబాద్ చేరుకున్న చెన్నై జట్టు.. ఘనస్వాగతం పలికిన ధోని ఫ్యాన్స్

దిశ, వెబ్‌డెస్క్: ఐపీఎల్ 2024లో భాగంగా చెన్నై, సన్ రైజర్స్ జట్లు తలపడనున్నాయి. హైదరాబాద్ లోని ఉప్పల్ స్టేడియంలో ఈ మ్యాచ్ జరగనుండగా.. చెన్నై జట్టు నేడు హైదరాబాద్ చేరుకుంది. ఈ క్రమంలో చెన్నై, ధోని అభిమానులు పెద్ద సంఖ్యలో విమానాశ్రయంకు చేరుకుని.. ఆ జట్టుకు, ధోనికి ఘన స్వాగతం పలికారు. ఏప్రిల్ 5న హైదరాబాద్‌లోని రాజీవ్ గాంధీ అంతర్జాతీయ క్రికెట్ స్టేడియంలో సన్‌రైజర్స్ హైదరాబాద్‌తో చెన్నై సూపర్ కింగ్స్ తలపడనుంది. తెలుగు రాష్ట్రాల్లో ధోనికి భారీ ఎత్తున ఫ్యాన్స్ ఉన్నారు. గతంలో ధోని బర్త్ డే సందర్భంగా దేశంలోనే అతిపెద్ద కటౌట్ ను కూడా ఏర్పాటు చేసిన విషయం తెలిసిందే. ఈ క్రమంలో ధోని హైదరాబాద్ వస్తున్నాడని తెలిసి పెద్ద సంఖ్యలో అభిమానులు పెద్ద సంఖ్యలో ఉప్పల్ స్టేడియం వద్దకు చేరుకుంటున్నారు. నేటి నుంచి ఇరు జట్లు ప్రాక్టీస్ చేయనున్నారు. దీంతో వారిని చూసేందుకు అభిమానులు భారీగా తరలి వస్తుండటంతో అక్కడ వాతావరణం ఇరు జట్లు ఫ్యాన్స్ తో కోలాహలంగా మారిపోయింది.