ఐపీఎల్ ప్రియులకు బిగ్ అలర్ట్.. ప్లే ఆఫ్ టికెట్ బుకింగ్స్ ప్రారంభం

దిశ, వెబ్‌డెస్క్: దేశవ్యాప్తంగా పార్లమెంట్ ఎన్నికలు జరుగుతున్నప్పటికీ ఐపీఎల్ క్రేజ్ మాత్రం ఏమాత్రం తగ్గడం లేదు. ఎక్కడ మ్యాచ్ జరిగిన వేల సంఖ్యలో ప్రేక్షకులు స్టేడియాలకు క్యూ కడుతున్నారు. ఇందులో ఆయా జట్ల హోం గ్రౌండ్ మ్యాచుల్లో అయితే టికెట్ల కోసం ఎంతగానో శ్రమిస్తున్నారు. షేడ్యూల్ ప్రకారం టికెట్లను ఆన్ లైన్ లో పెట్టడమే ఆలస్యం నిమిషాల వ్యవధిలోనే అన్ని టికెట్లు ఖాళీ అవుతున్నాయి. ఈ సీజన్ లో ఇప్పటి వరకు 64 మ్యాచులు పూర్తవ్వగా మరో పది మ్యాచులు మాత్రమే ఉన్నాయి. అనంతరం ప్లే ఆఫ్ లో భాగంగా మే 21న క్వాలిఫైయర్ 1 నరేంద్ర మోడీ స్టేడియం, మే 22న ఎలిమినేటర్ (నరేంద్ర మోడీ స్టేడియం), మే 24న క్వాలిఫై యన్ 2 చెన్నైలోని చెపాక్ స్టేడియం లో, మే 27 ఐపీఎల్ ఫైనల్ మ్యాచులు జరగనున్నాయి. ఈ క్రమంలో మే 21 క్వాలిఫైయర్ 1, మే 22న ఎలిమినేటర్, మే 24న క్వాలిఫై యన్ 2 మ్యాచులకు సంబంధించిన టికెట్లను ఐపీఎల్ ఆన్ లైన్ అందుబాటులో ఉంచింది. బుధవారం సాయంత్రం ఆరు గంటలనుంచి ఈ టికెట్లు అందుబాటులోకి రాగా నిమిషాల వ్యవధిలోనే అన్ని అమ్ముడు పోయినట్లు తెలుస్తోంది.