సివిల్స్​ సాధించడం ఎలా..? వచ్చేనెల 28న విజేతలతో ముఖాముఖి

దిశ, తెలంగాణ బ్యూరో: సివిల్ ​సర్వీసెస్​లో విజయం సాధించడం ఎలా? అనే అంశంపై వచ్చే నెల 28వ తేదీ రవీంద్రభారతిలో ప్రత్యేక కార్యక్రమం జరగనుంది. బీసీ స్డడీ సర్కిల్​ ఆధ్వర్యంలో విజేతలతో ప్రత్యేక ముఖాముఖీ కార్యక్రమం నిర్వహిస్తామని బీసీ వేల్ఫేర్​ ప్రిన్సిపల్​ సెక్రటరీ బుర్రా వెంకటేశం బుధవారం ఓ ప్రకటనలో తెలిపారు. సివిల్స్ రాసే అభ్యర్ధులు, ఆశావాహులు తప్పనిసరిగా ఈ సదవకాశాన్ని వినియోగించుకోవాలని ఆయన కోరారు. వారిచే సూచనలు, సలహాలతో ప్రతీఒక్కరూ సివిల్స్​ లో విజయం సాధించాలని ఆయన ఆకాక్షించారు. అయితే కష్టపడి చదివితే సత్ఫలితాలు రావడం ఖాయమన్నారు. ఎట్టి పరిస్థితుల్లో నిరాశకు గురికావొద్దని సూచించారు.

శ్రీజకు అభినందనలు

సివిల్ సర్వీసెస్ పరీక్షల్లో అల్ ఇండియా 20వ ర్యాంక్ సాధించిన శ్రీజను బీసీ వేల్ఫేర్​ సెక్రటరీ అభినందించారు. బుధవారం ఆయన ఛాంబరులో మర్యాదపూర్వకంగా కలసిన శ్రీజకు శుభాకాంక్షలు తెలిపారు. అతి చిన్న వయసులో మొదటి ప్రయత్నంలోనే 20వ ర్యాంక్ సాధించడం సంతోషమన్నారు.