లిక్కర్ నిషా.. పల్టీలు కొట్టిన కారు

దిశ, వెబ్‌డెస్క్ :

మద్యం సేవించి వాహనాలు నడుపవద్దని హైదరాబాద్ ట్రాఫిక్ పోలీసు విభాగం పోలీసులు ఎన్నిమార్లు చెప్పినా కొందరు పెడచెవిన పెడుతున్నారు. మద్యం తాగి దొరికిన వారికి కౌన్సిలింగ్ ఇవ్వడంతో పాటు జరిమానా కూడా విధిస్తున్నారు. ఎన్ని కఠిన చర్యలు తీసుకున్నా మద్యం బాబులు మాత్రం ఏమీ పట్టనట్లు వ్యవహరిస్తున్నారు. వీరి నిర్లక్ష్యం వలన సామాన్యులు కూడా బలవుతున్నారు.

తాజాగా మాదాపూర్‌లో జరిగిన ఓ కారు ప్రమాదం చూపరులను భయాందోళనకు గురిచేసింది. గత శుక్రవారం అర్ధరాత్రి మాదాపూర్ ఐకియా అండర్ పాస్‌లో మద్యం మత్తులో వేగంగా వచ్చిన కారు బ్రిడ్జి గోడను ఢీకొట్టి పల్టీలు కొట్టింది. ఈ ప్రమాదంలో భార్యాభర్తలు గాయాలపాలయ్యారు. శంషాబాద్‌కు చెందిన వీరిద్దరూ ఆస్పత్రిలో చికిత్స పొందుతున్నారు. ప్రసుత్తం వీరి ఆరోగ్యం నిలకడగా ఉన్నట్లు వైద్యులు తెలిపారు. మద్యం సేవించి కారు నడపడం వల్లే ప్రమాదం జరిగిందని మాదాపూర్ పోలీసులు ధృవీకరించారు. అంతేకాకుండా కారు నడిపిన వారిపై కేసు నమోదు చేశామన్నారు.