‘క్రిష్ 4’ స్టోరీ లైన్‌పై హింట్ ఇచ్చిన హృతిక్

దిశ, సినిమా : ఇండియాస్ ఫస్ట్ సూపర్ హీరో ఫ్రాంచైజ్ ‘క్రిష్’ 15 ఏళ్లు పూర్తి చేసుకున్న సందర్భంగా ‘క్రిష్ 4’ గురించి హింట్ ఇచ్చాడు స్టార్ హీరో హృతిక్ రోషన్. ‘ గతం పూర్తయింది. భవిష్యత్తు ఏం తీసుకొస్తుందో చూద్దాం’ అని హృతిక్ ట్వీట్ చేయడంతో దీనిపై సోషల్ మీడియా ప్లాట్‌ఫామ్స్‌లో చర్చ జరుగుతోంది. డైరెక్టర్, హృతిక్ తండ్రి రాకేష్ రోషన్.. టైమ్ ట్రావెల్ నేపథ్యంలో స్క్రిప్ట్ సిద్ధం చేసుకున్నారని తెలుస్తోంది. ఈ క్రమంలో ‘కోయి మిల్ గయా’, ‘క్రిష్’ ప్రపంచాలను ఒకే దగ్గరికి తీసుకొచ్చే ప్రయత్నంలో ఉన్నారని.. ఇదే ‘క్రిష్ 4’ స్టోరీకి కీ అవుతుందని సమాచారం.

సైన్స్ ఫిక్షన్ బ్యాక్‌డ్రాప్‌లో తెరకెక్కిన క్రిష్ ఫ్రాంచైజ్‌కు ప్రపంచవ్యాప్తంగా కోట్లాది మంది అభిమానులు ఉండగా.. ‘కోయి మిల్ గయా’లో రోహిత్ మెహ్రా జాదుతో కమ్యూనికేట్ అయ్యేందుకు తండ్రి తయారుచేసిన టైమ్ ట్రావెల్ మెషిన్‌ను ఉపయోగిస్తే.. ‘క్రిష్‌’లో రోహిత్ స్వయంగా టైమ్ ట్రావెలర్ తయారు చేశాడు. ఈ క్రమంలో ఈ సారి రోహిత్ మళ్లీ జాదూను భూమి మీదకు తీసుకువస్తాడని.. ఈ సీక్వెల్‌లో జాదూ మళ్లీ జాదూ చేసేందుకు సిద్ధమవుతున్నాడని బీటౌన్ టాక్.