చిన్నారి ప్రాణాలు తీసిన ‘బ్రెయిన్ ఈటింగ్ అమీబా’..పిల్లల్లో వచ్చే ఈ ఇన్ఫెక్షన్‌ లక్షణాలేంటి?

దిశ,వెబ్‌డెస్క్: ఇటీవల చాలా రకాల బ్యాక్టీరియాలు చిన్న పిల్లలపై అటాక్ చేస్తున్నాయి. ఈ బ్యాక్టీరియాల వల్ల చాలా మంది పిల్లలు మృత్యువాతపడుతున్నారు. తాజాగా ఇటువంటి ఘటనే కేరళలో చోటుచేసుకుంది. ప్రాణాంతకమైన బ్యాక్టీరియాల వల్ల ఓ చిన్నారి ప్రాణాలు కోల్పోయింది. బ్యాక్టీరియా వర్గానికి చెందిన ఒక రకమైన అమీబాతో ఈ వ్యాధి వస్తుంది. కలుషితమైన నీటిలో ఉండే ఈ జీవి నోరు, ముక్కు ద్వారా శరీరంలోకి ప్రవేశించి, మెదడును పని చేయకుండా చేస్తుంది. అందుకే దీనిని మెదడును తినే అమీబా గా పిలుస్తారు. ఈ వ్యాధి బారిన పడిన వారిలో తొలుత తీవ్ర జ్వరం, తలనొప్పి, వాంతులు వంటి లక్షణాలు కనిపిస్తాయి. కేరళలో 2017, 2023 లోనూ ఈ కేసులు వెలుగుచూశాయి.

వివరాల్లోకి వెళితే.. ‘బ్రెయిన్ ఈటింగ్ అమీబా’తో కేరళలో ఓ బాలిక చనిపోయింది. ఈ నెల 1, 10 వ తేదీల్లో కుటుంబ సభ్యులతో కలిసి బాలిక చెరువులో స్నానానికి వెళ్లింది. కొన్ని రోజుల తర్వాత అస్వస్థతకు గురై మృతి చెందింది. ఆమె శరీరంలోకి ఫ్రీ లివింగ్ అమీబా ముక్కుగుండా ప్రవేశించి, మెదడుపై తీవ్ర ప్రభావం చూపినట్లు వైద్యులు తెలిపారు. ఈ వ్యాధిని సకాలంలో గుర్తించకపోవడం, వైద్య చికిత్స ఆలస్యమవడం వల్ల ఆ బాలిక చనిపోయినట్లు వెల్లడించారు.