పని గంటలు పెంచే సంస్కృతి ఎక్కడిది?

ఎంకే స్టాలిన్ ప్రభుత్వం 2023 ఏప్రిల్ 21న, తమిళనాడు అసెంబ్లీ ఫ్యాక్టరీల చట్టం (1948) సవరణ బిల్లును ఆమోదించింది. 1948 నాటి ఫ్యాక్టరీల చట్టానికి ఇదే విధమైన సవరణను ఫ్యాక్టరీల (కర్ణాటక సవరణ) బిల్లు, 2023 అనే పేరుతో ఫిబ్రవరి 24న ఆమోదించిన కర్ణాటక ప్రభుత్వం తమిళనాడు ప్రభుత్వానికి ధైర్యం చెప్పింది. సవరించిన చట్టాల ప్రకారం ఫ్యాక్టరీ యాజమాన్యాలు ఎలాంటి ఓవర్ టైం చెల్లింపులు లేకుండానే కార్మికుల పనిగంటలను 8 గంటల నుంచి 12 గంటలకు పెంచేందుకు అనుమతిస్తాయి. యజమానులు కార్మికులను గతంలో మూడు నెలల్లో 75 గంటల ఓవర్ టైం బదులు 145 గంటల వరకు పని చేయిస్తారు. ఈ చట్టం వలన రాత్రి షిఫ్తులలో మహిళలు పని చేయవలసి వస్తుంది.

ఈ సవరణలన్నీ శ్రామిక ప్రజలపై అధిక దోపిడీకి మాత్రమే దారితీస్తాయని కార్మికులకు తెలుసు. అందుకే ఆ సవరణలను తమిళనాడు కార్మికులు ఆగ్రహంతో ఖండిస్తున్నారు. ఏప్రిల్ 21 తర్వాత వివిధ కార్మిక సంఘాలు తమిళనాడు అంతటా ఈ సవరణలకు వ్యతిరేకంగా నిరసన చర్యలను ప్రకటించాయి. రాష్ట్ర ప్రభుత్వం సవరణను రద్దు చేయకుంటే మే 12వ తేదీన రాష్ట్ర వ్యాప్తంగా ఉద్యోగులు సమ్మె చేస్తామని ప్రకటించారు. ఏఐటీయూసీ, సీఐటీయూ, హెచ్ఎంఎస్‌, ఐఎన్‌టీయూసీ, ఏఐయూటీయూసీ, ఏఐసీసీటీయూ, వర్కింగ్‌ పీపుల్స్‌ కౌన్సిల్‌, ఎంఎల్ఎఫ్‌, ఎల్ఎల్ఎఫ్‌ సహా తొమ్మిది కార్మిక సంఘాల ప్రతినిధులు ఆందోళనలో పాల్గొననున్నట్లు ప్రకటించారు. చెన్నై నగరం నడిబొడ్డున ఉన్న ప్రసిద్ధ మే డే పార్క్‌లో మహిళా వర్కర్స్ యూనియన్ బ్యానర్‌లో వందలాది మంది గార్మెంట్ కార్మికులు నిరసనలో పాల్గొన్నారు.

ప్రైవేట్, ప్రభుత్వ రంగ ఉద్యోగుల ఆగ్రహం మరియు ఐక్య వ్యతిరేకత వివిధ రాజకీయ పార్టీలపై చాలా ఒత్తిడి తెచ్చింది. దీని ఫలితంగా రాష్ట్రంలోని అనేక రాజకీయ పార్టీలు మరియు సంస్థలు కూడా ఉపసంహరించుకోవాలని ఉమ్మడి మెమోరాండం ద్వారా ముఖ్యమంత్రికి విజ్ఞప్తి చేశాయి. చివరగా ఏప్రిల్ 24న, తమిళనాడు ముఖ్యమంత్రి ఫ్యాక్టరీల చట్టం (1948) సవరణ అమలును నిలిపివేస్తూ తన ప్రభుత్వ నిర్ణయాన్ని ప్రకటించవలసి వచ్చింది. నాలుగు లేబర్ కోడ్‌లను బలవంతంగా అమలులోకి తెచ్చేందుకు కేంద్ర ప్రభుత్వం చేస్తున్న ప్రయత్నాలను దేశవ్యాప్తంగా కార్మికులు వ్యతిరేకిస్తున్నారు. దీంతో వాటి అమలు తేదీని కేంద్ర ప్రభుత్వం వాయిదా వేసుకోవాల్సి వచ్చింది.

అయితే వివిధ రాష్ట్ర ప్రభుత్వాలు కార్పొరేట్ల ప్రయోజనాలను ప్రోత్సహించేందుకు వివిధ చట్టాలను సవారిస్తున్నాయి. కార్మిక చట్టాలు, ఫ్యాక్టరీల చట్టం మొదలైన వాటికి సవరణలు చేయడం వల్ల పెట్టుబడిదారులు శ్రమ దోపిడీకి పాల్పడతారు. ఫ్యాక్టరీల చట్టంలోని మార్పులను కర్ణాటక, తమిళనాడు ప్రభుత్వాలు పెట్టుబడిదారులు కోరికలను నెరవేర్చాయి. ప్రైవేటు, ప్రభుత్వ రంగ కార్మికుల సంఘాలు విడుదల చేసిన సంయుక్త ప్రకటనలో 8 గంటల పని దినం హక్కును నెలకొల్పేందుకు కార్మికులు చేసిన పోరాట చరిత్రను గుర్తు చేశారు. 1936లో పుదుచ్చేరిలో, 1947లో దేశవ్యాప్తంగా 8 గంటల పనిదినాల పరిమితిని అమలు చేశారని, దానిని తమ జీవితాలను, రక్తాన్ని త్యాగం చేసిన మన పూర్వీకులు సాధించారని కార్మికులకు గుర్తు చేసింది. కష్టపడి గెలిచిన ఈ హక్కును సమర్థించుకోవాలని శ్రామిక ప్రజలందరికీ ఆ ప్రకటన పిలుపునిచ్చింది.

తమిళనాడులో కార్మికుల ఆందోళన ఫలితంగా ప్రభుత్వం వెనుకంజ వేసినప్పటికీ తాత్కాలిక విజయం సాధించినప్పటికీ, సవరణ ఉపసంహరించుకోలేదనేది వాస్తవం. కాబట్టి కార్మికులు అప్రమత్తంగా ఉండాలి. సవరణపై స్టే విధించడం అంటే ప్రభుత్వం తన లక్ష్యాన్ని మార్చుకుందని అర్థం. కార్మిక ఐక్యతను మరింత పటిష్టం చేసుకోవడానికి కార్మికులు ఈ కాలాన్ని ఊపిరిగా ఉపయోగించుకోవాలి. సవరణలు తక్షణం అమలు కాకుండా, ప్రభుత్వ రంగ కార్మికులు ప్రైవేట్ రంగ కార్మికులతో చేతులు కలపాలి.. కార్మిక చట్ట సవరణల రూపంలో కార్మిక హక్కులపై దాడులను వ్యతిరేకించడం, ప్రభుత్వ రంగ సంస్థల ప్రైవేటీకరణను వ్యతిరేకించడం పోరాటంలో భాగమని, శ్రామిక ప్రజలపై పెరిగిన దోపిడీకి వ్యతిరేకంగా వారి పోరాటం అని కార్మికులు మరచిపోరాదు. రాజకీయ, కార్మిక సంఘాల విభేదాలను పక్కనపెట్టి కార్మిక ఐక్యతను బలోపేతం చేసి, హక్కుల పరిరక్షణ కోసం పోరాటాన్ని ఉధృతం చేయాలి.

ఆళవందార్ వేణు మాధవ్

86860 51752