శోభకృత్ ఉగాది

కాలం పుట్టినరోజు ఉగాది

కాలం ప్రాణుల పుట్టుక పునాది

కాలం ఎప్పుడూ కొత్తగానే

క్యాలెండర్లు మారడం మనకు కొత్త

కాలం అని కనిపించని రథంపై

జీవుల బ్రతుకులు భ్రమణాలై

సెకండ్లు నిమిషాలు గంటలు

తిథి నక్షత్ర వారం రోజులు

ఋతువులు సంవత్సరాలు ఉగాదిలై

యుగాలు కల్పాలై కదిలిపోతుంది!

ఓ నవ వసంత ఉగాది

నీ రాకతో వెలుగు లోగిళ్ళు

ఇంటింటా షడ్రుచుల పచ్చళ్ళు

పచ్చని పందిళ్ళ శోభతో

ప్రకృతి నీకు స్వాగతం పలుకుతుంది

ప్రకృతి తన ధర్మం తాను నిర్వర్తిస్తుంది

శిశిరం ఎప్పటి వలె చిగురు వేస్తుంది

గండు కోయిలలు కమ్మని పాటలతో

నీకు జేజేలు పలుకుతుంది!

కరోనా కల్లోలాన్ని

కళ్లారా చూసిన ఓ మనిషి

నీ ధర్మాన్ని నువ్వు నిర్వర్తించు!

ఈ శోభకృత్ ఉగాది

నీకు అన్నీ శుభాలు కలుగజేస్తుంది!

పి.బక్కారెడ్డి

9705315250