ఈ గడ్డి అత్యంత పవిత్రం.. ఇది లేకుంటే పూజలే చేయరు..

దిశ, వెబ్ డెస్క్ : భారతీయ హిందూ సంప్రదాయంలో పర్యావరణానికి కూడా దేవుడి హోదా ఇచ్చారు. గ్రామీణ ప్రాంతాల్లో కనిపించే కుశ గడ్డి లేకుండా మతపరమైన ఆచారాలు అసంపూర్ణంగా పూర్తవుతాయంటున్నారు పండితులు. ఈ పవిత్రమైన గడ్డి వ్యవసాయ ప్రాంతాల్లో ఎక్కువగా కనిపిస్తుంది. ఈ గడ్డి చిన్న గుబ్బలను ఉంటుంది. ఇవి నేల పై వ్యాపించి సాధారణంగా సున్నితంగా, మృదువుగా ఉంటాయి.

కుశ గడ్డి స్వచ్ఛతకు చిహ్నంగా పరిగణిస్తారు. ఇది అనేక మతపరమైన సంప్రదాయాలు, పూజా స్థలాలలో వినియోగిస్తారు. ఈ గడ్డితో ఆ ప్రదేశం పవిత్రతను పెంచుతుందంటున్నారు పండితులు.

రైతులకు మేలు చేసే కుశ..

ఈ గడ్డి నేల సారాన్ని పెంచుతుంది. అంతే కాదు పంటలో తెగుళ్ళను నియంత్రించడంలో కూడా సహాయపడుతుందట. అలాగే పశుగ్రాసంగా, భూమిని సారవంతంగా చేయడానికి ఉపయోగించబడుతుందని చెబుతున్నారు. ఇది వర్షపు నీటిని పీల్చుకోవడంలో, నేల కోతను అరికట్టడంలో సహాయపడుతుంది.

కుశ గడ్డి మతపరమైన ప్రాముఖ్యత..

పండుగలలో కుచ : పూజలు, వేడుకలు, హోమాల్లో కుశ గడ్డిని తప్పకుండా ఉపయోగిస్తారు. రక్షాబంధన్, మకర సంక్రాంతి వంటి పండుగలలో దీనిని ఎక్కువగా ఉపయోగిస్తారు.

కుశ గడ్డి వేర్లను జపమాలలో పూసలుగా చేసి ఉపయోగిస్తారు. దీని ద్వారా పాపాల తొలగిపోతాయంటున్నారు పండితులు. అనారోగ్యంలో బాధపడే వారు ఉపశమనం పొందుతారు. అంతే కాదు దీని ద్వారా కలుషితాలు శుద్ధి అవుతాయని చెబుతున్నారు. అందుకే ఆధ్యాత్మిక కార్యక్రమాల్లో దీనికి ఓ ప్రత్యేక గౌరవం, స్థానం ఉంది. ఈ కుశ గడ్డిని ఎర్ర వస్త్రంతో చుట్టి ఇంట్లో పెట్టడం వలన మంచి జరుగుతుందని చెబుతారు.

కుశ గడ్డిలోని ఔషధ గుణాలు..

ఆయుర్వేద వైద్యుల ప్రకారం కుశ గడ్డిని వాపు, నొప్పి నివారిణిగా ఉపయోగిస్తారు. అంతే కాదు జీర్ణవ్యవస్థను బలోపేతం చేయడంలో ఇది సహాయపడుతుందంటున్నారు. కుశ గడ్డితో మలబద్ధకం, ఇతర జీర్ణ సమస్యల నుండి ఉపశమనాన్ని పొందవచ్చంటున్నారు నిపుణులు.

కుశ గడ్డిలో వివిధ విటమిన్లు, ఖనిజాలు ఉంటాయని చెబుతున్నారు. ఇవి శరీరానికి పోషణను అందిస్తాయి. ఈ గడ్డి యాంటీఆక్సిడెంట్ లక్షణాలను కలిగి ఉంది. ఇది శరీర ఆరోగ్యాన్ని కాపాడుతుంది. అలాగే చికాకు, దురద వంటి చర్మ సమస్యల చికిత్సలో ఈ గడ్డి ఎంతో ప్రయోజనకరమైనది పేరు గాంచిందంటున్నారు నిపుణులు.

* గమనిక : పైవార్తలోని సమాచారం ఇంటర్నెట్ ఆధారంగా సేకరించబడింది. పాఠకుల అవగాహనకోసం మాత్రమే అందిస్తున్నాం. నిర్ధారణలు, పర్యవసనాలకు ‘దిశ’ బాధ్యత వహించదు. ఆరోగ్యానికి సంబంధించిన నిర్ణయాలు తీసుకునే ముందు తప్పకుండా నిపుణులను సంప్రదించగలరు.