Radha Krishna temple : 150 ఏండ్ల పురాతన రాధా కృష్ణ దేవాలయం.. ఒక్క సారి దర్శిస్తే ఎంత పుణ్యమో..

దిశ, ఫీచర్స్ : మన దేశంలో శ్రీకృష్ణుని దేవాలయాలు ఎన్నో నెలకొని ఉన్నాయి. ఒక్కో దేవాలయానికి ఒక్కో ప్రాముఖ్యత ఉంది. అలాగే ఆయా ఆలయాల్లో ప్రతి ఏడు శ్రీ కృష్ణుని జన్మాష్టమి వేడుకలు ఘనంగా నిర్వహిస్తారు. అలాగే ఈ ఏడు కూడా కృష్ణ జన్మాష్టమి వేడుకలను ఆగస్టు 26న జరుపుకోనున్నారు. ఆ రోజున ఆలయాల్లో ఆ వైభవం చూడాల్సిందే. అలాంటి దేవాలయాల్లో హజారీబాగ్ జిల్లాలోని రాధా కృష్ణ దేవాలయం ఒకటి. ఈ ఆలయాన్ని నిర్మించి దాదాపు 150 సంవత్సరాలు అవుతోంది. ఈ దేవాలయాన్ని పంచమందిరం అంటారు. ఇక్కడ ఒకే ఆలయ ప్రాంగణంలో ఐదు ఆలయాలు ఉన్నాయి. ఈ పంచ మందిరాన్ని 1880లో సున్నం, పంచదార, పప్పులు, బెల్లం మొదలైన ఆహార పదార్థాలతో నిర్మించారు.

ఆలయ పురాణం..

మైదా కున్వారి ఈ గొప్ప పంచ మందిర ఆలయాన్ని నిర్మించారు. పూర్వం మైందా కున్వారీ అనే వారికి పిల్లలు లేరు. ఆ కారణంగానే 150 ఏండ్ల క్రితం ఆయన ఆలయాన్ని నిర్మించాడని పురాణాలు చెబుతున్నాయి. అలాగే ఆలయ నిర్మాణం తర్వాత 1901 లో ఇక్కడ పూజలు ప్రారంభమయ్యాయి. ఇక్కడ ఆలయాన్ని నిర్మించడానికి 20 సంవత్సరాలు పట్టిందని పురాణం. ఆ సమయంలో ఆలయాన్ని దక్షిణ భారత నిర్మాణ శైలిలో నిర్మించారు. ఆలయ సముదాయం చాలా పెద్దగా అందంగా ఉంటుంది. ఈ ఆలయంలో శ్రీకృష్ణుడు, రాధ విగ్రహాలు ఉన్నాయి.

ఈ ఆలయాన్ని 20 సంవత్సరాలలో పూర్తి..

దేశంలో ఐదు శిఖరాలు కలిగిన దేవాలయం ఇది. హజారీబాగ్‌లోని అన్ని దేవాలయాలలో ఇది ఒకటి. ఈ ఆలయంలో శ్రీ కృష్ణుడు రాధా దేవి దర్శనం ఇస్తారు. ఇది కాకుండా ఈ ఆలయంలో శివుడు, దుర్గమాత, హనుమంతుడు కూడా ఉన్నారు. జన్మాష్టమి..

హజారీబాగ్ ఆలయంలో 24 గంటల పాటు పూజలు నిర్వహిస్తారు. ఇక్కడ శ్రీ కృష్ణ జన్మాష్టమి సమయంలో ఆలయంలో పూజలు 24 గంటలు కొనసాగుతాయి. ఈ ఏడాది జన్మాష్టమికి ప్రత్యేక ఏర్పాట్లు చేశారు. ఇక్కడ ఆలయ ప్రాంగణంలో వివిధ రకాల కార్యక్రమాలు నిర్వహించి అలంకరణ పై ప్రత్యేక దృష్టి సారించారు. ఆలయాన్ని రంగురంగుల దీపాలతో అలంకరించనున్నారు.