మౌని అమావాస్య నుండి వసంత పంచమి వరకు వచ్చే పండగలు ఏవో తెలుసా..

దిశ, ఫీచర్స్ : హిందూ క్యాలెండర్ ప్రకారం హిందూ మతంలో ప్రతి నెలా కొన్ని పండుగలు వస్తూ ఉంటాయి. జనవరి నెల నుండే ఉపవాసాలు, పండుగలు ప్రారంభమవుతాయి. ఫిబ్రవరి నెలలో ఉపవాసం చేసే రోజులు, పండుగలకు కూడా చాలా ముఖ్యమైన నెలగా చెప్పవచ్చు. ఫిబ్రవరి నెలలో వచ్చే ప్రధాన ఉపవాసాలు, పండుగల గురించి ఇప్పుడు మనం తెలుసుకుందాం.

6 ఫిబ్రవరి 2024 - షట్టిల ఏకాదశి : షట్టిల ఏకాదశి హిందూ మతంలో చాలా ముఖ్యమైన పండగ. కొన్ని గ్రంధాల ప్రకారం ఈ రోజున పూజలు చేయడం, ఉపవాసం ఉండటం వల్ల తమ జీవితంలో ఆనందం కలుగుతుందని నమ్ముతారు. బాధలు తొలగిపోయి పుణ్యాన్ని పొందుతారని పురాణాలు చెబుతున్నాయి. ఈ ఏడాది షట్టిల ఏకాదశిని ఫిబ్రవరి 6న జరుపుకోనున్నారు. పంచాంగం ప్రకారం, షట్టిల ఏకాదశి శుభ సమయం 5 ఫిబ్రవరి 2024 న సాయంత్రం 5:30 నుండి ప్రారంభమై మరుసటి రోజు 6వ తేదీ సాయంత్రం 4:10 వరకు కొనసాగుతుందని పండితులు చెబుతున్నారు.

8 ఫిబ్రవరి 2024 - మాస శివరాత్రి : పంచాంగం ప్రకారం, మాస శివరాత్రిని ప్రతి నెల కృష్ణ పక్షంలోని 14వ రోజు అనగా చతుర్దశి తిథి నాడు జరుపుకుంటారు.

9 ఫిబ్రవరి 2024 - మౌని అమావాస్య : మత విశ్వాసాల ప్రకారం ఈ రోజున ఒక వ్యక్తి పవిత్ర నదులలో స్నానం చేయాలి.

10 ఫిబ్రవరి 2024 - గుప్త నవరాత్రులు ప్రారంభం : ఈ రోజున దుర్గా మాతను విద్యలను పూజిస్తారు.

14 ఫిబ్రవరి 2024 - వసంత పంచమి : వసంత పంచమి పండుగను మాఘ మాసం శుక్ల పక్షం ఐదవ రోజున జరుపుకుంటారు. ఈ రోజున సరస్వతితో పాటు లక్ష్మీదేవిని కూడా పూజిస్తారు.

16 ఫిబ్రవరి 2024 - రథసప్తమి : రథసప్తమి రోజున సూర్య భగవానుని ఆరాధించడం ద్వారా కోరిన కోరికలన్నీ నెరవేరుతాయని, సంపదను పొందుతారని పండితులు చెబుతున్నారు.

20 ఫిబ్రవరి 2024 - జయ ఏకాదశి : మాఘమాసంలోని శుక్ల పక్ష ఏకాదశి తేదీని జయ ఏకాదశి అంటారు. ఈ ఏకాదశిని ముక్తి ద్వారం అని కూడా అంటారు.

24 ఫిబ్రవరి 2024 - మాఘ పూర్ణిమ : సనాతన సంప్రదాయంలో, మాఘ మాసం శ్రీ విష్ణువు ఆరాధనకు చాలా పవిత్రమైనదిగా పరిగణిస్తారు.