పురాతన అంబర్‌నాథ్ శివాలయంలో కొబ్బరికాయలు కొట్టడం నిషేధం.. అసలు కారణం ఏమిటి ?
అంబర్‌నాథ్‌లోని 11వ శతాబ్దపు పురాతన శివాలయం (అంబర్‌నాథ్ ఆలయం).
దిశ, ఫీచర్స్ : అంబర్‌నాథ్‌లోని 11వ శతాబ్దపు పురాతన శివాలయం (అంబర్‌నాథ్ ఆలయం). ఈ అంబర్‌నాథ్ శివాలయం వెయ్యి సంవత్సరాల పురాతన నాగరికతకు నిదర్శనం. ఈ ఆలయం హేమడ్పంతి శైలికి ప్రసిద్ధి చెందింది. ఈ ఆలయాన్ని రాళ్లతో అందంగా చెక్కారు. శంకరుని అనుగ్రహం కోసం శివ భక్తులు ఎంతో విశ్వాసంతో ఈ ఆలయానికి చేరుకుంటారు. శ్రావణమాసంలో ఈ ఆలయం కిక్కిరిసిపోతుంది. అయితే ఈ శివ భక్తులు ఈ ఆలయంలో పూజలు చేసేటప్పుడు కొన్ని నియమాలను పాటించాలి.
ప్రస్తుతం అంబర్‌నాథ్‌లోని 11వ శతాబ్దపు పురాతన శివాలయం కూలిపోయే స్థితికి చేరుకుంది. ఈ విషయం వెలుగులోకి రావడంతో పురావస్తు శాఖ తక్షణ చర్యలు చేపట్టింది. దీంతో పురాతన శివాలయంలో కొబ్బరికాయలు పగులగొట్టడం నిషేధించారు. ఈ మేరకు పురావస్తు శాఖ అధికారులు సంబంధిత అధికారులకు ఆదేశాలు జారీ చేశారు. ఆలయాన్ని పురావస్తు శాఖ పరిశీలించిన తరువాత సౌండ్ సిస్టమ్స్, విగ్రహాలకు పాలతో అభిషేకం, ఎక్కడైనా కొబ్బరికాయలు పగలగొట్టడం, హోమం, ఆలయంలో పూజ-అర్చలను నిషేధించారు.