BREAKING: యాదాద్రి భువనగిరి జిల్లాలో భారీ అగ్ని ప్రమాదం.. రూ.లక్షల్లో ఆస్తి నష్టం
కంపెనీలో షాట్ సర్క్యూట్‌తో భారీ అగ్ని ప్రమాదం సంభవించిన ఘటన యాదాద్రి భువనగిరి జిల్లాలో గురువారం తెల్లవారుజామున చోటుచేసుకుంది.
దిశ, వెబ్‌డెస్క్: కంపెనీలో షాట్ సర్క్యూట్‌తో భారీ అగ్ని ప్రమాదం సంభవించిన ఘటన యాదాద్రి భువనగిరి జిల్లాలో గురువారం తెల్లవారుజామున చోటుచేసుకుంది. వివరాల్లోకి వెళితే.. భూదాన్ పోచంపల్లి మండల పరిధిలోని దోతిగూడెం గ్రామంలోని ఓజో విత్తన పరిశ్రమలో షాట్ సర్క్యూట్‌తో ఉన్నట్టుండి మంటలు చెలరేగాయి. అయితే, ఆ మంటలు కాస్త ఫ్యాక్టరీలో వ్యాపించడంతో భారీ ఎత్తున మంటలు ఎగసిపడుతున్నాయి. గమనించిన కంపెనీ సిబ్బంది ఫైర్ సిబ్బందికి సమాచార అందజేయగా వారు ఘటనా స్థలానికి చేరుకుని మంటలు అదుపులోకి తీసుకొచ్చారు. ప్రమాద సమయంలో ఎవరూ కంపెనీలో లేకపోవడంతో పెనుప్రమాదం తప్పింది. ఈ ప్రమాదంలో రూ.లక్షల్లో ఆస్తి నష్టం జరిగి ఉండొచ్చిన కంపెనీ సిబ్బంది తెలిపారు.