BREAKING: వారెవ్వా క్యా ప్లాన్ హై.. జొమాటోలో డ్రగ్స్ డెలివరీ, పోలీసుల అదుపులో నిందితులు

దిశ, వెబ్‌డెస్క్: చాటుగా డ్రగ్స్ విక్రయిస్తే.. పట్టుకుంటారనే భయంతో కొందరు అక్రమార్కులు కొత్త కొత్త పంథాల్లో నయా దందాకు తెర లేపారు. ఎవ్వరికీ అనుమానం రాకుండా.. మ కళ్ల ముందే యథేచ్ఛగా డ్రగ్స్ సరఫరా చేస్తూ సొమ్ము చేసుకుంటున్నారు. ఈ క్రమంలోనే ఇద్దరు నిందితులు జొమాటోలో డ్రగ్స్ డెలివరీ చేస్తూ.. మాదాపూర్ పోలీసులకు చిక్కారు. ఫుడ్ డెలివరీ చేస్తున్నట్లుగా నటిస్తూ.. అక్రమంగా డ్రగ్స్ తరలిస్తున్న మచ్చ పవన్, ఆదర్శ్ సింగ్‌లను అదుపులోకి తీసుకున్నట్లు మాదాపూర్ డీసీపీ వినీత్ కుమార్ తెలిపారు. ఈ మేరకు వారి నుంచి 21 గ్రాముల ఎండీఎంఏ, 873 గ్రాముల గంజాయితో పాటు రెండు ఫోన్లు, వేయింగ్ మిషన్ కూడా సీజ్ చేసినట్లు ఆయన వెల్లడించారు. కాలేజీ స్టూడెంట్స్‌ని టార్గెట్‌గా చేసుకుని దందా చేస్తున్నట్లుగా విచారణలో తెలిసిందని ఆయన తెలిపారు. అదేవిధంగా ౩౦ మంది విద్యార్థులకు కౌల్సిలింగ్ ఇస్తామని మాదాపూర్ డీసీపీ వినీత్ కుమార్ పేర్కొన్నారు.