మహిళా మావోయిస్టు అరెస్ట్

దిశ, భద్రాచలం : చత్తీస్గడ్ మల్కన్గిరి ఎంబీహెచ్‌ఐ 79 పోలీస్‌ స్టేషన్‌ పరిధిలోని కుర్తి అటవీ ప్రాంతంలో మహిళా మావోయిస్టును పోలీసులు అరెస్టు చేశారు. అరెస్ట్ అయిన యాంటి మద్వి అలియాస్ లకీ అనే మహిళా మావోయిస్టుపై రూ.2 లక్షల రివార్డు ఉంది. అరెస్టయిన మహిళా మావోయిస్టు ఇల్లు చత్తీస్గడ్ లోని బీజాపూర్ జిల్లాలో ఉండగా ఒడిశాలో విచ్ఛిన్నమైన మావో సంస్థను మళ్లీ కలపాలనే ఉద్దేశంతో ఆమె వచ్చినట్లు పోలీసులు పేర్కొన్నారు. మల్కన్‌గిరి సరిహద్దుకు వచ్చి మావోయిస్టుల ఆచూకీ కోసం వెతుకుతున్న సమయంలో భద్రతా సిబ్బందికి సమాచారం అందింది. మద్విపై మల్కన్‌గిరి, సుకుమా జిల్లాల్లో 9 హత్య కేసులు నమోదైనట్లు సౌత్ వెస్ట్ డీఐజీ తెలిపారు.