వైన్స్‌లో చోరీ..గోడకు కన్నం పెట్టి మద్యం బాటిళ్లు మాయం..

దిశ,శంషాబాద్ : తెల్లవారుజామున వైన్స్ కు కన్నం పెట్టి వైన్స్ లో ఉన్న మద్యం బాటిల్లు ఎత్తుకు వెళ్ళారు. ఈ ఘటన శంషాబాద్ పోలీస్ స్టేషన్ పరిధిలోని పాలమాకులలో చోటుచేసుకుంది.పోలీసులు తెలిపిన వివరాల ప్రకారం రంగారెడ్డి జిల్లా శంషాబాద్ మండలం పాలమాకులలోని ఎస్వీబీ లక్ష్మీనరసింహ వైన్స్ లో దొంగతనం జరిగిందని సమాచారం రావడంతో ఘటన స్థలానికి చేరుకొని పరిశీలించగా వైన్స్ వెనుక భాగంలో ఉన్న గోడను కన్నం పెట్టిన గుర్తు తెలియని దుండగులు మాస్కులు ధరించి లోపలికి వెళ్లి వైన్స్ లో ఉన్న మద్యం బాటిళ్లను ఎత్తుకెళ్లినట్లు గుర్తించామన్నారు. క్లూస్ టీం తో ఆధారాలు సేకరించి కేసు నమోదు చేసి దర్యాప్తు చేస్తున్నట్లు తెలిపారు.