Tragic incident:విషాదం.. కిడ్నాప్ అయిన బాలుడు దారుణ హత్య

దిశ,వెబ్‌డెస్క్: శ్రీసత్యసాయి జిల్లాలో విషాద ఘటన (Tragic incident) చోటుచేసుకుంది. నిన్న (గురువారం) కిడ్నాప్‌కు గురైన చేతన్‌ కుమార్ అనే విద్యార్థి కథ విషాదంగా ముగిసింది. చేతన్‌ను కిడ్నాప్(Student Kidnapping) చేసిన దుండగులు ఆపై బాలుడిని దారుణంగా హత్య చేశారు. వివరాల్లోకి వెళితే.. మడకశిర మండలం ఆమిదాలగొండి ప్రభుత్వ జడ్పీ హైస్కూల్ పాఠశాలలో 8వ తరగతి చదువుతున్న చేతన్ కుమార్ కిడ్నాప్‌కు గురయ్యాడు. కొందరు గుర్తుతెలియని వ్యక్తులు బైక్‌పై వచ్చి విద్యార్థిని పాఠశాల నుంచి కిడ్నాప్ చేశారు.

చాలా సేపటి వరకు విద్యార్థి కనిపించకపోవడంతో ఆందోళనకు గురైన తల్లిదండ్రులు, ఉపాధ్యాయులు పోలీసులకు ఫిర్యాదు చేశారు. కేసు నమోదు చేసిన పోలీసులు విద్యార్థి కోసం తీవ్రంగా గాలింపు చర్యలు చేపట్టారు. ఈ క్రమంలో మడకశిర సరిహద్దున కర్ణాటకలోని అటవీ ప్రాంతంలో విద్యార్థి శుక్రవారం తెల్లవారుజామున శవంగా కనిపించాడు. బాలుడు దారుణంగా హత్యకు గురైనట్లు పోలీసులు గుర్తించారు. ఈ ఘటనకు సంబంధించి సీసీ టీవీ ఫుటేజ్ (CCTV footage) ఆధారంగా నిందితులను గుర్తించేందుకు పోలీసులు యత్నిస్తున్నారు. తల్లిదండ్రులకు సమాచారం అందించడంతో వెంటనే వారు ఘటనా స్థలానికి చేరుకొని కన్నీరుమున్నీరుగా విలపిస్తున్నారు.