Road Accident: హైవేపై ఘోర రోడ్డు ప్రమాదం.. 30 మందికి గాయాలు, నలుగురి పరిస్థితి విషమం

దిశ, వెబ్‌డెస్క్: రోడ్డు ప్రమాదం (Road Accident)లో 30 మందికి గాయాలైన ఘటన సూర్యాపేట జిల్లా (Suryapet District) కోదాడ (Kodada) జాతీయ రహదారిపై కట్టకొమ్ముగూడెం వద్ద శనివారం తెల్లవారుజామున చోటుచేసుకుంది. వివరాల్లోకి వెళితే.. హైదరాబాద్ (Hyderabad) నుంచి ఓ ప్రైవేట్ ట్రావెల్స్ బస్సు విజయవాడ (Vijayawada) వైపు వెళ్తుంది. ఈ క్రమంలోనే కోదాడ (Koadad) సమీపంలోకి రాగానే డ్రైవర్ విశ్రాంతి కోసం బస్సును రోడ్డు పక్కకు నిలిపాడు. అదే సమయంలో వెనుక నుంచి అతివేగంగా వచ్చిన టీఎస్ ఆర్టీసీ బస్సు (TS RTC), ప్రైవేటు ట్రావెల్స్ (Private Travels) బస్సును బలంగా ఢీకొట్టింది. ఈ ప్రమాదంలో 30 మందికి గాయాలయ్యాయి. మరో నలుగురి పరిస్థితి విషమంగా ఉన్నట్లుగా తెలుస్తోంది. స్థానికుల సమాచారం మేరకు ఘటనా స్థలానికి చేరుకున్న పోలీసులు ప్రమాదం జరిగిన ప్రాంతాన్ని పరిశీలించారు. అనంతరం గాయపడిన వారిని చికిత్స నిమిత్తం సమీప ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు పోలీసులు వెల్లడించారు.