ద్విచక్ర వాహనం అదుపుతప్పి వ్యక్తి మృతి..

దిశ, మరిగూడ : ద్విచక్ర వాహనం అదుపుతప్పి ఒక యువకుడు మృతి చెందగా మరొకరికి తీవ్ర గాయాలైన సంఘటన మర్రిగూడ పోలీస్ స్టేషన్ పరిధిలో గురువారం రాత్రి జరిగింది. ప్రత్యక్ష సాక్షులు తెలిపిన వివరాల ప్రకారం మర్రిగూడ మండలం తిరుగండ్లపల్లి మూలమలుపు వద్ద ద్విచక్ర వాహనం అదుపుతప్పి గ్యార నరసింహ (27) అక్కడికక్కడే మృతి చెందగా, ఏర్పుల శివకు తీవ్ర గాయాలయ్యాయి.

మాడుగుల మండలం సుద్దపల్లి గ్రామానికి చెందిన మృతుడు గ్యార నరసింహ, స్నేహితుడు ఏర్పుల శివతో కలిసి మాల్ నుండి మర్రిగూడకు బంధువుల ఇంటికి వస్తుండగా రాత్రి తిరుగండ్లపల్లి గుట్ట దగ్గర మూలమలుపు వద్ద ద్విచక్ర వాహనం అదుపుతప్పి ప్రమాదం చోటుచేసుకుంది. ఈ ఘటనలో గ్యార నరసింహ అక్కడికక్కడే మృతి చెందగా ఏర్పుల శివకు తీవ్ర గాయాలయ్యాయి. మృతుడు కుటుంబ సభ్యులు ఇచ్చిన ఫిర్యాదు మేరకు స్థానిక ఎస్సై కృష్ణారెడ్డి ఘటనా స్థలానికి చేరుకొని కేసు నమోదు చేసుకున్నారు. పోస్టుమార్టం నిమిత్తం దేవరకొండ ప్రభుత్వ ఆసుపత్రికి తరలించి దర్యాప్తు చేస్తున్నారు.