దుబాయ్‌లో మొగిలిపేట వాసి ఆత్మహత్య..

దిశ, మల్లాపూర్ : జగిత్యాల జిల్లా మల్లాపూర్ మండలం మొగిలిపేట గ్రామంలో ని ఓ వ్యక్తి దుబాయ్ లో ఆత్మహత్య చేసుకున్న సంఘటన చోటు చేసుకుంది. మొగిలిపేట గ్రామానికి చెందిన దండ్ల శ్రీనివాస్(35) అనిత దంపతులు.వీరికి కావ్య అశ్విత వైష్ణవి ముగ్గురు కుమార్తెలు కలరు. కుటుంబ పోషణకై శ్రీనివాస్ గత రెండు సంవత్సరాల క్రితం దుబాయ్ కి ఉపాధి కోసం వెళ్ళాడు. గురువారం తెల్లవారుజామున శ్రీనివాస్ ఉరి వేసుకుని ఆత్మహత్యకు పాల్పడ్డాడు. శ్రీనివాస్ మరణంతో గ్రామంలో విషాదం నెలకొంది. మృతుడి కుటుంబ సభ్యులు కన్నీరుమున్నీరవుతున్నారు.తమ కుటుంబాన్ని ప్రభుత్వం ఆదుకోవాలని కుటుంబ సభ్యులు కోరుతున్నారు.