పాముకాటుకు గురై చికిత్స పొందుతూ వ్యక్తి మృతి..

దిశ, పాపన్నపేట : పాముకాటుకు గురై చికిత్స పొందుతూ ఓ వ్యక్తి మృతి చెందిన సంఘటన మండల కేంద్రమైన పాపన్నపేటలో శుక్రవారం చోటు చేసుకుంది. ఎస్సై శ్రీనివాస్ గౌడ్ తెలిపిన వివరాల ప్రకారం.. పాపన్నపేటకు చెందిన పెద్ద కటికె నబీసాబ్ (36) వ్యాపారం చేసుకుంటూ కుటుంబాన్ని పోషిస్తున్నాడు. ఈ నెల 23న జీవాలను మేపడానికి బయటకు వెళ్ళగా గ్రామ శివారులో పాము కరిచింది. దీంతో ఇంట్లో వారికి చెప్పడంతో వారు చికిత్స కోసం మెదక్ లోని ఓ ప్రైవేట్ ఆస్పత్రికి తరలించారు. అక్కడి నుంచి మెరుగైన వైద్యం కోసం గురువారం సాయంత్రం గాంధీ ఆస్పత్రికి తరలించగా అక్కడ చికిత్స పొందుతూ శుక్రవారం తెల్లవారుజామున మృతి చెందాడు. మృతుడి అన్న షాదుల్ ఫిర్యాదు మేరకు కేసు నమోదు చేసినట్లు ఎస్సై పేర్కొన్నారు.