లారీ ఢీకొని ద్విచక్ర వాహనదారుడు మృతి..

దిశ, అయిజ : లారీ ఢీ కొని ద్విచక్రవాహన దారుడు మృతి చెందిన సంఘటన అయిజలోని కొత్త బస్టాండ్ సమీపంలో చోటుచేసుకుంది. పూర్తి వివరాల్లోకెళితే తిమ్మప్ప అలియాస్ తిమ్మారెడ్డి (38) అనే వ్యక్తి అయిజలో చేనేత పని చూసుకుంటూ జీవనం సాగిస్తున్నాడు. శుక్రవారం సాయంత్రం నిత్యావసర సరుకుల కోసం మార్కెట్ కి వెళ్లి సరుకులు కొనుగోలు చేసుకుని ద్విచక్రవాహనం పై తిరిగి వస్తున్నాడు. సరిగ్గా నరసప్ప గుడి దగ్గర మూల మలుపులో రాగానే వేగంగా వచ్చిన లారీ ద్విచక్రవాహనాన్ని ఢీ కొంది. దీంతో తీవ్ర గాయాల పాలైన బాధితున్ని కర్నూలు ప్రభుత్వాసుపత్రికి తీసుకెళ్లగా శనివారం తెల్లవారు జామున మృతి చెందాడు. మృతునికి ఒక కుమారుడు, ఇద్దరు కుమార్తెలు ఉన్నారు. కుటుంబం పెద్ద దిక్కును కోల్పోవడంతో దిక్కుతోచని పరిస్థితి ఏర్పడిందని కుటుంబ సభ్యులు విషాదం వ్యక్తం చేశారు.