రోడ్డు ప్రమాదంలో ఐదుగురికి గాయాలు

దిశ,వీణవంక : ఆటోను టాటా ఏస్ ఢీకొట్టిన ఘటనలో నలుగురు స్వల్పంగా గాయపడగా మరో మహిళ తీవ్రంగా గాయపడిన సంఘటన బొంతుపల్లి గ్రామంలో చోటు చేసుకుంది. గ్రామస్తుai తెలిసిన వివరాల ప్రకారం మండలంలోని గంగారం గ్రామానికి చెందిన గసికంటి స్వరూప, పుల్లూరి కిరణ్, పుల్లూరి వీరమ్మ, అన్నారంనకు చెందిన రామగిరి రవి, కరీంనగర్​కు చెందిన రేణుకుంట అన్నపూర్ణ బుధవారం సమీప బంధువుల శుభకార్యానికి ఆటోలో మల్లన్నపల్లికి వెళ్లారు.

     తిరిగి వారి స్వగ్రామానికి వెళ్తుండగా బొంతుపల్లి గ్రామ శివారులో ఎదురుగా వస్తున్న టాటా ఎస్ ఢీకొనడంతో గసికంటి స్వరూపకు తీవ్ర గాయాలు కాగా మరో నలుగురికి స్వల్ప గాయాలయ్యాయి. తీవ్రంగా గాయపడిన స్వరూపను కరీంనగర్​కు తరలించి చికిత్స అందిస్తున్నట్లు పేర్కొన్నారు. కాగా సంఘటనా స్థలానికి చేరుకున్న పోలీసులు ప్రమాదానికి గల కారణాలను తెలుసుకున్నట్లు సమాచారం.