బాసర ట్రిపుల్ ఐటీలో విద్యార్థిని ఆత్మహత్య

దిశ, బాసర/ఆర్మూర్: నిర్మల్ జిల్లా బాసర lllT లో తీవ్ర విషాద సంఘటన ఆదివారం అర్ధరాత్రి చోటుచేసుకుంది. నిజామాబాద్ జిల్లా ఆర్మూర్ నియోజకవర్గం లోని ఆర్మూర్ మున్సిపల్ పట్టణ కేంద్రంలోని పెర్కిట్ ఏరియాలోని మున్సిపల్ 7 వార్డ్ తిరుమల కాలనీకి చెందిన పూరి రవీందర్-ఉజ్వల దంపతుల కూతురైన స్వాతి ప్రియ బాసర త్రిబుల్ ఐటీ లో పియుసి ద్వితీయ సంవత్సరం చదువుకుంటుంది.

ఆదివారం అర్ధరాత్రి స్వాతి ప్రియ(18)హాస్టల్ గదిలో ఫ్యాన్ కు ఉరేసుకొని సూసైడ్ చేసుకుంది. ఇటీవల త్రిబుల్ ఐటీ బాసర నుంచి దసరా దీపావళి పర్వదినాల సమయాల్లో కూడా స్వాతి ప్రియ ఆర్మూర్ లోని పెర్కిట్ కి వచ్చి కుటుంబ సభ్యులతో సంతోషంగా ఉందని, వారి కుటుంబం ఇటీవల కొనుగోలు చేసిన స్కూటీపై కూడా స్వాతి ప్రియ డ్రైవింగ్ చేసిందని ఆ ఏరియా కాలనీవాసులు తెలిపారు. కానీ స్వాతి ప్రియ ఇంటికి తాళం వేసి ఉండటంతో పూర్తి వివరాలు తెలియలేదు.వ్యక్తిగత కారణాలతో విద్యార్థిని స్వాతి ప్రియ ఆత్మహత్య చేసుకున్నట్లు త్రిబుల్ ఐటీ యంత్రాంగం తెలిపింది.త్రిబుల్ ఐటీ విద్యార్థిని స్వాతి ప్రియ ఆత్మహత్యకు గల కారణాలు ఇంకా తెలియాల్సి ఉంది.