కోటగండి వద్ద ఘోర రోడ్డు ప్రమాదం...దంపతులిద్దరూ మృతి

దిశ,గీసుగొండ: రోడ్డు ప్రమాదంలో భార్యాభర్తలిద్దరూ మృతి చెందిన సంఘటన మండలంలోని కోటగండి వద్ద చోటుచేసుకుంది. గీసుగొండ ఎస్సై కుమార్ తెలిపిన వివరాల ప్రకారం... కరీమాబాద్ ఉర్సు దర్గాకు చెందిన ఎండి.సుభాన్ తన భార్య సమ్రీన్ తో కలిసి తన సొంత ఆటోలో కొమ్మాల గ్రామంలోని సిఎన్జి గ్యాస్ నింపుకొని వరంగల్ వైపు వెళ్తుండగా... నర్సంపేట వైపు నుంచి వస్తున్న ట్రక్కు ఢీకొనగా సమ్రీన్ అక్కడికక్కడే మృతి చెందింది. 108 అంబులెన్స్ లో ఆసుపత్రికి తరలిస్తుండగా ఎండి. సుభాన్ మరణించినట్లు ఎస్సై కుమార్ తెలిపారు. కేసు నమోదు చేసి విచారణ చేస్తున్నట్లు ఎస్సై కుమార్ తెలిపారు.