ఔటర్ రింగ్ రోడ్డుపై రెప్పపాటులో ప్రమాదం

దిశ, కీసర : కీసర ఔటర్ రింగ్ రోడ్డుపై బుధవారం జరిగిన రోడ్డు ప్రమాదంలో ఒకరు మృతి చెందారు. వివరాల్లోకి వెళ్తే ఉదయం శంషాబాద్ ఎయిర్ పోర్టు నుండి మంచిర్యాలకు కారులో కొందరు వెళ్తున్నారు. ఈ క్రమంలో డ్రైవర్ అందే విజయ్ కీసర సమీపంలోకి రాగానే ఔటర్ రింగ్ రోడ్డుపై పక్కకు కారు ఆపి కిందికి దిగేందుకు డోరు తీయగా వెనకాల నుండి వేగంగా వచ్చిన కంటైనర్ విజయ్​ను ఢీకొట్టింది. దాంతో ఆయన అక్కడికక్కడే మృతి చెందాడు. కారులో ఉన్న మిగతా వారికి స్వల్ప గాయాలు అయ్యాయి. సంఘటనా స్థలానికి చేరుకున్న కీసర పోలీసులు ప్రమాదంలో మృతి చెందిన విజయ్ మృతదేహాన్ని పోస్టు మార్టం నిమిత్తం గాంధీ ఆస్పత్రికి తరలించారు.