దారుణం.. మూడేళ్ల చిన్నారిపై 60 ఏళ్ల వృద్ధుడు అత్యాచారయత్నం

దిశ,బాపట్ల: చిన్నగంజాం మండలం పెదగంజాం ఎస్సీ కాలనీలో మూడేళ్ల చిన్నారిపై 60 ఏళ్ల వృద్ధుడు లైంగిక దాడి ప్రయత్నం చేసిన ఘటనపై చినగంజాం పోలీసులు పోక్సో కేసు నమోదు చేశారు. వివరాల్లోకి వెళితే.. ఉపాధి కోసం హైదరాబాద్‌లో భవన నిర్మాణ కార్మికునిగా స్థిరపడిన దాసరి దేవుని దయ కుటుంబం ఈనెల 25వ తేదీన స్వగ్రామం అయిన పెదగంజాం లో ఒక శుభకార్యానికి హాజరయ్యారు. 26వ తేదీ ఉదయం ఇంటి ముందు ఆడుకుంటున్న మూడేళ్ల చిన్నారిని అదే కుటుంబానికి దగ్గర బంధువు అయిన, చిన్నారికి తాత వరస అయిన చాట్ల అంజయ్య మాయమాటలు చెప్పి సమీపంలోని పంట కాలువ పక్కన ఉన్న జొన్న చేలోనికి తీసుకెళ్లి అత్యాచారం చేయడానికి ప్రయత్నించినట్లు సమాచారం. ఆ సమయంలో ఆ దారిలో వెళుతున్న యువకులు చిన్నారి ఏడుపు గమనించి అంజయ్యకు దేహశుద్ధి చేసే క్రమంలో అంజయ్య తప్పించుకొని పారిపోయాడు. తనపై జరిగిన లైంగిక వేధింపుల గురించి చిన్నారి తల్లిదండ్రులకు చెప్పడంతో పోలీసులను ఆశ్రయించారు. వెంటనే స్పందించిన చినగంజాం పోలీసులు చాట్ల అంజయ్యని అదుపులోకి తీసుకొని పోక్సో కేసు నమోదు చేసి దర్యాప్తు చేస్తున్నారు.