మంచాల పోలీస్ స్టేషన్‌లో 9 మందికి కరోనా

దిశ, ఇబ్రహీంపట్నం: కంటికి కనిపించని శతృవుతు కరోనా మహమ్మారిపై పోరాడుతూ విధులు నిర్వహిస్తున్న పోలీసులను సైతం కరోనా వదలడంలేదు. రాష్ట్ర వ్యాప్తంగా పలువురు పోలీసులు సైతం కరోనా సోకి మృతి చెందిన విషయం తెలిసిందే. అయితే, తాజాగా రాచకొండ కమిషనరేట్ పరిధిలోని మంచాల పోలీస్ స్టేషన్ లో 9 మంది పోలీసులకు కరోనా సోకింది. ఈ విషయం బుధవారం టెస్టుల్లో నిర్ధారణ అయ్యింది. ఇద్దరు ఎస్సై లు, ఐదుగురు కానిస్టేబుళ్లు, ఇద్దరు హోంగార్డులకు కరోనా పాజిటివ్ గా నిర్ధారణ కావడంతో మిగిలిన సిబ్బంది కూడా ఆదోళన చెందుతుంన్నారు. వీరందరినీ హోం క్వారంటైమ్ లోకి తరలించారు. అనంతరం పోలీస్ స్టేషన్ మెత్తం శానిటైజేషన్ చేశారు.