సెకండ్ వేవ్: ఆ రాష్ట్రంలో కూడా లాక్‌డౌన్

దిశ, వెబ్‌డెస్క్: దేశంలో కరోనా విజృంభిస్తున్న నేపథ్యంలో పలు రాష్ట్రాలు లాక్‌డౌన్ విధిస్తున్నాయి. ఇప్పటికే చాలా రాష్ట్రాలు లాక్‌డౌన్ విధించగా.. తాజాగా కర్ణాటక ప్రభుత్వం కూడా లాక్‌డౌన్ విధిస్తున్నట్లు ప్రకటించింది. సోమవారం(మే 10) నుంచి రెండు వారాల పాటు(మే 24) వరకు రాష్ట్రంలో లాక్‌డౌన్ విధిస్తున్నట్లు సీఎం యడియూరప్ప ఇవాళ ప్రకటించారు. కర్ఫ్యూల వల్ల కరోనా తగ్గడం లేదని, అందుకే లాక్‌డౌన్ విధిస్తున్నట్లు స్ఫష్టం చేశారు.

లాక్‌డౌన్‌లో అన్ని హోటళ్లు, పబ్‌లు, బార్లు క్లోజ్ చేయాలని ఆదేశాలు జారీ చేశారు. చికెన్, కూరగాయల షాపులు ఉదయం 6 నుంచి 10 వరకు మాత్రమే ఓపెన్ చేసేందుకు అనుమతి ఉంటుందని తెలిపారు.