రాష్ట్రంలో మళ్లీ పంజా విసురుతున్న చలి

దిశ, తెలంగాణ బ్యూరో : రాష్ర్టంలో ఈశాన్య శీతల గాలుల ప్రభా‌వంతో చలి తీవ్రత మళ్లీ పెరు‌గు‌తోంది. ఫలి‌తంగా ఉష్ణోగ్రతలు పడి‌పో‌తు‌న్నాయి. సోమ‌వారం ఉష్ణో‌గ్రతలు 5.7 డిగ్రీ‌లకు, మంగళవారం ఉదయం వరకు 6 డిగ్రీలకు క్షీణించాయి. తెలం‌గాణ 33 జిల్లాల సగటు కనిష్ఠ ఉష్ణోగ్రతలు 13.7 డిగ్రీలు, గరిష్ఠ ఉష్ణో‌గ్ర‌తలు 34.8 డిగ్రీ‌లుగా నమో‌దై‌నట్టు తెలం‌గాణ రాష్ర్ట అభి‌వృద్ధి ప్రణా‌ళిక సొసైటీ తెలి‌పింది. ఆదిలాబాద్​ జిల్లా భీంపూర్​ మండలం ఆర్లిలో 6, బోథ్​ మండలం సోనాలలో 6, రాష్ర్టంలో కుమ్రంభీం ఆసి‌ఫా‌బాద్‌ జిల్లా గిన్నె‌ధ‌రిలో ఉష్ణో‌గ్రత 6.5 డిగ్రీలు, సిరి‌పూ‌ర్‌(‌యూ)లో 6.8, కామారెడ్డి జిల్లా పిట్లంలో 6.8 డిగ్రీల ఉష్ణోగ్రతలు నమో‌ద‌య్యాయి.

జీహె‌చ్‌‌ఎంసీ పరి‌ధిలో కనిష్ఠ ఉష్ణో‌గ్రతలు 9.7–15 డిగ్రీల మధ్య రికార్డయ్యాయి. నిర్మల్​, సంగారెడ్డి, మంచిర్యాల, ఆదిలాబాద్​, ఆసిఫాబాద్​ జిల్లాల్లో ఉష్ణోగ్రతలు 8 డిగ్రీల వరకు నమోదయ్యాయి. దీంతో చలి పెరిగింది. భద్రాద్రి కొత్తగూడెం జిల్లా సత్యనారాయణపురం 34.8 డిగ్రీల గరిష్ఠ ఉష్ణోగ్రతలు నమో‌ద‌య్యాయి. రాష్ర్టం‌లోని ఒకటి రెండు‌చోట్ల పొగ‌మంచు ఏర్పడే అవ‌కాశం ఉందని, ఎలాంటి వర్ష సూచ‌నలు లేవని వాతా‌వా‌ర‌ణ‌శా‌ఖా‌ధి‌కా‌రులు తెలి‌పారు.