Vennela Kishore: శ్రీకాకుళం షెర్లాక్ హోమ్స్' టీజర్ రిలీజ్.. ఎలా ఉందంటే?

దిశ, సినిమా: వెన్నెల కిషోర్ (Vennela Kishore) ప్రధాన పాత్రలో నటిస్తున్న తాజా చిత్రం ‘శ్రీకాకుళం షెర్లాక్ హోమ్స్‌’ (Srikakulam Sherlock Holmes). ఈ క్రైమ్ థ్రిల్లర్‌‌కి రైటర్ మోహన్ రచన, దర్శకత్వం వహిస్తుండగా.. లాస్యారెడ్డి సమర్పణలో శ్రీ గణపతి సినిమాస్ బ్యానర్‌పై వెన్నపూస రమణారెడ్డి నిర్మించారు. ఇక ప్రమోషనల్ మెటీరియల్‌తో ఇప్పటికే పాజిటివ్ రెస్పాన్స్ (Positive Response) తెచ్చుకున్న ఈ సినిమా డిసెంబర్ 25న క్రిస్మస్ (Christmas) కానుకగా విడుదల కానుంది.

ఈ సందర్భంగా తాజాగా మేకర్స్ టీజర్‌ (teaser)ను రిలీజ్ చేశారు. ‘ఆకాశవాణి విశాఖపట్నం కేంద్రం మాజీ ప్రధాని రాజీవ్ గాంధీ (Former Prime Minister Rajiv Gandhi) శ్రీ పరంబుదుర్లో మానబాంబు దాడిలో దుర్మరణం చెందారు’ అనే మాజీ ప్రధాని రాజీవ్ గాంధీ ఆత్మాహుతి దాడికి సంబంధించిన బ్రేకింగ్ న్యూస్ (Breaking News)తో స్టార్ట్ అయిన ఈ టీజర్‌లో.. ఒక పోలీసు అధికారి తనకి క్రిడెట్ వచ్చేలా ఓ క్రిమినల్ కేసును ఛేదించడానికి ఒక తెలివైన డిటెక్టివ్‌ని సాయం కోరుతూ ఆ పనిని ‘శ్రీకాకుళం షెర్లాక్ హోమ్స్’ కి అప్పగిస్తాడు. ఇక ఈ టీజర్‌లో వెన్నెల కిషోర్ లీడ్ రోల్ హ్యుమర్, ఇంటెల్జెంట్ బ్లెండ్‌తో ఆకట్టుకుంది. కేసులను పరిష్కరించడంలో అతని యూనిక్ స్టైల్ల్‌ని ప్రజెంట్ చేస్తోన్న ఈ ట్రైలర్ నెట్టింట ఆకట్టుకుంటోంది.