ఇండస్ట్రీలో విషాదం.. ప్రముఖ నటుడు మృతి

దిశ, వెబ్ డెస్క్: సినిమా ఇండస్ట్రీ (Film Industry )లో మరో విషాదం నెలకొంది. తమిళ ఇండస్ట్రీ(Tamil Industry)లో కోలివుడ్‌కు చెందిన సీనియర్ నటుడు ఢిల్లీ గణేశ్(Delhi Ganesh ) ఈ రోజు తెల్లవారుజామున తుదిశ్వాస విడిచారు. గత కొంత కాలంగా అనారోగ్యంతో తీవ్ర ఇబ్బంది పడుతున్న ఆయన తన ఇంట్లోనే కన్నుమూసినట్లు కుటుంబ సభ్యులు తెలిపారు. తమిళంతో పాటు పలు తెలుగు సినిమాల్లో నటించిన గణేష్ ముఖ్యంగా విశాల్, రజీనికాంత్, విజయ్ సినిమాలో కీలక పాత్రల్లో ఎక్కువగా కనిసిస్తుంటారు. మొత్తం 400 లకు పైగా సినిమాల్లో ఆయన నటించారు. ఇటీవల కాంచన 3, అభిమన్యుడు, ఇండియన్ 2 వంటి పెద్ద ప్రాజెక్ట్ లో నటించారు. ఢిల్లీ గణేష్ కన్నుమూశారని వార్త తెలిసిన పలువురు ప్రముఖులు ఆయనకు సంతాపం తెలుపుతున్నారు. కాగా గణేష్ అంత్యక్రియలు రేపు జరగనున్నట్లు తెలుస్తోంది.