NTR : ఎన్టీఆర్‌కు జోడీగా తెలుగు హీరోయిన్.. అఫీషియల్ అనౌన్స్‌మెంట్ ఇచ్చిన నిర్మాతలు

దిశ, సినిమా: నందమూరి హరికృష్ణ మనవడు, జానకి రామ్ కుమారుడు తారక రామారావు (Nandamuri Taraka Rama Rao)(ఎన్టీఆర్) హీరోగా ఇండస్ట్రీ ఎంట్రీకి సిద్ధమైన విషయం తెలిసిందే. వైవీఎస్ చౌదరి(YVS Chowdhary) తెరకెక్కిస్తున్న ఈ సినిమాను న్యూ టాలెంట్ రోర్స్ పతాకంపై ఆయన సతీమణి గీత నిర్మిస్తున్నారు. ఇక ఈ మూవీ నుంచి ఇప్పటికే ఎన్టీఆర్ ఫస్ట్ లుక్ రిలీజ్ చెయ్యగా.. ప్రేక్షకుల నుంచి మంచి స్పందన లభించింది. ఇందులో భాగంగా తాజాగా ఈ చిత్రంలో ఎన్టీఆర్(NTR) సరసన వీణారావు (Veena Rao) నటిస్తున్నట్లు అఫీషియల్ అనౌన్స్‌మెంట్ ఇచ్చారు చిత్ర బృందం. ఈ మేరకు తాజాగా ప్రెస్ మీట్ నిర్వహించి.. వీణారావు కూచిపూడి డ్యాన్సర్(Kuchipudi dancer) అని.. అచ్చతెలుగు అమ్మాయని నిర్మాతలు సుప్రియ, స్వప్నదత్‌లు చెప్పుకొచ్చారు. అంతే కాకుండా సీనియర్ ఎన్టీఆర్ నటించిన ‘యుగంధర్’ సినిమా 1979 నవంబర్ 30న రిలీజైందని.. అందుకే ఇదే రోజున వీణారావును పరిచయం చేయాలనుకున్నట్లు డైరెక్టర్ వైవీఎస్ చౌదరి తెలిపారు. కాగా.. ఈ చిత్రానికి కీరవాణి(Music Director Keeravani) సంగీతం అందించనున్నారు.