Allari Naresh: బచ్చల మల్లి సూపర్ హిట్ అవుతోంది.. హీరో కామెంట్స్ వైరల్
అల్లరి నరేష్ నటిస్తున్న తాజా చిత్రం ‘బచ్చల మల్లి’.
దిశ, సినిమా: అల్లరి నరేష్ నటిస్తున్న తాజా చిత్రం ‘బచ్చల మల్లి’. ఈ సినిమాకు సుబ్బు మంగాదేవి దర్శకత్వం వహిస్తుండగా.. హాస్యా మూవీస్ బ్యానర్‌పై రాజేశ్ దండా, బాలాజీ గుత్తా నిర్మిస్తున్నారు. ఇప్పటికే షూటింగ్ పూర్తి చేసుకున్న ఈ సినిమా డిసెంబర్ 20న ప్రేక్షకుల ముందుకు వచ్చేందుకు సిద్ధంగా ఉంది. దీంతో వరుస ప్రమోషన్స్‌తో సందడి చేస్తున్నారు చిత్ర బృందం. ఈ క్రమంలోనే తాజాగా హైదరాబాద్‌లో టీజర్ రిలీజ్ ఈవెంట్ గ్రాండ్‌గా నిర్వహించారు.
ఈ సందర్భంగా అల్లరి నరేష్ మాట్లాడుతూ.. ‘డైరెక్టర్ సుబ్బు ఈ సినిమాతో మూడేళ్లు జర్నీ చేశారు. ‘బచ్చల మల్లి’ గురించి తప్ప ఇక దేనిగురించి ఆలోచించలేదు. అది నాకు చాలా నచ్చింది. ఆయన కథ ఎంత అద్భుతంగా చెప్పారో అంతకంటే అద్భుతంగా తెరకెక్కించారు. సినిమా నేను చూశాను కాబట్టి అంత కాన్ఫిడెంట్‌గా చెప్తున్నాను. ఈ సినిమాను చాలా ఇష్టపడి, కష్టపడి చేశాము. ఈ మూవీలో నటించిన ప్రతి ఒక్కరికి మంచి పేరు వస్తుంది. నా గత చిత్రాలు గమ్యం, నాందిలా ప్రేక్షకుల మనసులో ‘బచ్చల మల్లి’ కూడా నిలిచిపోతుంది. నాంది సినిమా చేసినప్పుడు ఎంత హ్యాపీగా ఉన్నానో.. ఈ సినిమాకు కూడా అంతే హ్యాపీగా ఉన్నాను. డిసెంబర్ 20న మీ ముందుకు వస్తాము. అందరూ థియేటర్లలో తప్పక చూడండి’ అంటూ చెప్పుకొచ్చాడు.
Read More...