Power Mech-Adani Power: అదానీ పవర్ నుంచి రూ.510 కోట్ల కాంట్రాక్ట్ దక్కించుకున్న పవర్ మెక్ ప్రాజెక్ట్స్

దిశ, వెబ్‌డెస్క్: హైదరాబాద్(HYD)కు చెందిన ప్రముఖ ఇన్‌ఫ్రాస్ట్రక్చర్‌(Infrastructure) సంస్థ పవర్ మెక్ ప్రాజెక్ట్స్(Power Mech Projects) అదానీ గ్రూప్(Adani Group) యాజమాన్యంలోని అదానీ పవర్(Adani Power) నుంచి భారీ కాంట్రాక్ట్ దక్కించుకుంది. ఈ కాంట్రాక్టు విలువ రూ. 510 కోట్లని పవర్ మెక్ పేర్కొంది. ఈ ఒప్పందంలో భాగంగా ఛత్తీస్‌గఢ్(Chhattisgarh) రాష్ట్రం రాయ్ పూర్(Raipur)లో ఉన్న అదానీ పవర్ లోని 3600 మెగా వాట్ల ఫేజ్-2 అల్ట్రా సూపర్ క్రిటికల్ థర్మల్ పవర్ ప్రాజెక్ట్(Thermal Power Project)లో మెకానికల్ నిర్మాణ(Mechanical construction) పనులు చేయాల్సి ఉందని తన ఎక్స్ఛేంజ్ ఫైలింగ్(Exchange Filing)లో తెలిపింది. ఈ ప్రాజెక్ట్ ను 34 నెలల్లో కంప్లీట్ చేయాలని పవర్ మెక్ లక్ష్యంగా పెట్టుకుంది. కాగా పవర్ మెక్ ప్రాజెక్ట్స్ 1999లో స్థాపించబడింది. ఈ ఆర్థిక సంవత్సరం సెప్టెంబర్ తో ముగిసిన రెండో త్రైమాసికంలో సంస్థ 69.51 కోట్ల నికర ఆదాయాన్ని నమోదు చేసింది. దీంతో కంపెనీ కార్యకలాపాల ఆదాయం మొత్తంగా రూ. 1,035.49 కోట్లకు చేరుకుంది.