Flipkart Black Friday Sale: రేపటి నుంచి ఫ్లిప్​కార్ట్ బ్లాక్ ఫ్రైడే సేల్ ప్రారంభం.. ఈ వస్తువులపై భారీ డిస్కౌంట్స్..!

దిశ, వెబ్‌డెస్క్: ఆన్​లైన్ షాపింగ్ ప్రియులకు శుభవార్త. ప్రముఖ ఈ కామర్స్ సంస్థ ఫ్లిప్​కార్ట్(Flipkart) మరో సేల్ కు సిద్ధమైంది. కాగా ఈ సంస్థ దీపావళి ఫెస్టివల్(Diwali Festival) సందర్భంగా బిగ్ దీపావళి సేల్(Big Diwali Sale) పేరుతో ఇటీవలే ఓ సేల్ ను అందుబాటులోకి తీసుకురాగా.. తాజాగా 'బ్లాక్ ఫ్రైడే సేల్(Black Friday Sale)'ను ప్రకటించింది. నవంబర్ 24న ఈ సేల్ ప్రారంభమై 29 వరకు కొనసాగుతుందని తెలిపింది. ఫ్లిప్​కార్ట్ బ్లాక్ ఫ్రైడే ​సేల్​లో భాగంగా వివిధ రకాల మొబైల్స్(Mobiles), ల్యాప్‌టాప్‌లు(Laptops), ఇతర ఎలక్ట్రానిక్స్ గాడ్జెట్స్(Electronics Gadgets)పై ​భారీ డిస్కౌంట్ ప్రకటించింది. అలాగే ఎంపిక చేసిన బ్యాంకు కార్డుల ద్వారా వస్తువులను కొనుగోలు చేస్తే 10 శాతం అదనపు తగ్గింపు అందిస్తున్నట్లు తెలిపింది.

బ్లాక్ ఫ్రైడే సేల్​లో ఐఫోన్ 15(iPhone 15)పై భారీ డిస్కౌంట్​ లభిస్తోంది. ప్రస్తుతం మార్కెట్​లో ఐఫోన్-15 128 GB వేరియంట్ ధర రూ.60,999గా ఉంది. కానీ ఈ సేల్​లో ఈ ఫోన్ రూ.57,749కే లభించనుంది. అలాగే యాపిల్ ఎయిర్​పాడ్స్(Apple AirPods), అసూస్ ల్యాప్‌టాప్(Asus laptop)లను 20 వేల కంటే తక్కువ ధరకు కొనుగోలు చేసే అవకాశం ఉంటుందని ఫ్లిప్​కార్ట్ తెలిపింది. ఇక 9 జనరేషన్‌ ఐప్యాడ్ మోడల్‌ను రూ.20 వేల కంటే తక్కువ ధరకు కస్టమర్లుకు అందుబాటులో ఉంటుందని పేర్కొంది. ఇవేగాక.. టీవీ, ఫ్రిడ్జ్, వాషింగ్ మెషిన్ వంటి ఉపకారణాలపై 75 శాతం వరకు తగ్గింపు అందిస్తోంది. ఇక ఫ్లిప్‌కార్ట్ కంపెనీ స్వంత బ్రాండ్ ఉత్పత్తులపై కూడా 80 శాతం వరకు డిస్కౌంట్ ప్రకటించింది.