షాకింగ్ న్యూస్: బిగ్‌బాస్‌లో దొంగలు.. అరిచిన శివాజీ!
తెలుగు బిగ్‌బాస్ సీజన్-7 లో కెప్టెన్సీ పోటీలో భాగంగా ‘‘దొరికితే దొంగ దొరక్కపోతే దొర’’ అనే టాస్కు పెట్టారు.
దిశ, వెబ్‌డెస్క్: తెలుగు బిగ్‌బాస్ సీజన్-7 లో కెప్టెన్సీ పోటీలో భాగంగా ‘‘దొరికితే దొంగ దొరక్కపోతే దొర’’ అనే టాస్కు పెట్టారు. ఈ గేమ్‌లో భాగంగా యాక్టివిటీ రూంలో బిగ్‌బాస్ ఫ్రెండ్ నిద్రపోతుంటాడు. ఆ రూమ్‌లోకి జోడీల్లో ఒక్కో సభ్యుడు వెళ్తాడు. మైకులో బిగ్‌బాస్ ఇచ్చిన క్లూస్ ప్రకారం వస్తువుల్ని దొంగిలించాలి. అయితే గేమ్ ఇలా కొనసాగుతుండగా.. బయటకొచ్చిన తర్వాత ప్రశాంత్ ఓ వస్తువుని కింద పడేయడంతో దాన్ని పక్కనే ఉన్న యావర్ తీసుకుని.. అతడి సంచిలో పెట్టేశాడు. దీంతో బయటంతా గందరగోళంగా ఏర్పడుతుంది. తెచ్చుకున్న దాంట్లో తీసుకోవడం ఏంట్రా అని శివాజీ అరుస్తాడు. అయితే కంటెస్టెంట్లు క్లూస్ ఆధారంగా చెప్పిన వస్తువులు కాకుండా రూమ్‌లో నుంచి వేరే వస్తువులు కూడా తీసుకురాగా.. బిగ్‌బాస్ సీరియస్ అయ్యాడు. ఇక అనవసర వస్తువులు ఎవరైతే తక్కువ తీసుకొచ్చారో వాళ్లే ఈ పోటీలో విన్నర్‌గా బిగ్‌బాస్ చెప్పాడు. శివాజీ-ప్రశాంత్ ఈ ఆటలో గెలిచారు.