బిగ్‌బాస్ చరిత్రలో మొదటిసారి.. కంటెస్టెంగ్‌గా వచ్చిన ఎమ్మెల్యే

దిశ, వెబ్‌డెస్క్: నాగార్జున హోస్ట్‌గా వ్యవహరిస్తోన్న తెలుగు బిగ్‌బాస్ సీజన్-7 లాగే పలు భాషల్లో బిగ్‌బాస్ రియాలిటీ షోలు నిర్వహిస్తున్నారు. హౌస్‌లోకి సినీ సెలబ్రిటీలు, సీరియల్ నటులు, సోషల్ మీడియాలో వైరల్‌గా మారిన వ్యక్తులు రావడం చూస్తూనే ఉంటాం. కాగా, మొదటిసారి తెలుగు బిగ్ బాస్ షోకు ఓ రైతు బిడ్డ ఎంట్రీ ఇచ్చి అందరికీ షాక్ ఇచ్చాడు. ప్రస్తుతం అలాగే కన్నడ బిగ్ బాస్ షోలో కంటెస్టెంట్‌గా కర్ణాటక కాంగ్రెస్ ఎమ్మెల్యే ప్రదీప్ ఈశ్వర్ హౌస్‌లో అడుగుపెట్టాడు. ఒక్కొక్కరుగా హౌస్‌లోకి ఎంట్రీ ఇవ్వగా.. కంటెస్టెంట్‌గా ఎమ్మెల్యే గ్రాండ్‌గా ఎంట్రీ ఇవ్వడంతో ఒక్కసారిగా జనాలు షాకయ్యారు. కాగా, ప్రజాప్రతినిధిగా గెలిపిస్తే.. నియోజకవర్గ సమస్యలు తీర్చకుండా బిగ్‌బాస్ రియాలిటీ షోల్లో ఎంజాయ్ చేయడం ఏంటి? అని బీజేపీ పార్టీ ఈయనపై నెగిటివ్ కామెంట్లు చేస్తోంది. అలాగే 777 చార్లీ చిత్రంలోని డాగ్ కూడా బిగ్‌బాస్‌ హౌస్‌లోకి ఎంట్రీ ఇచ్చే అవకాశం ఉందని టాక్ వినిపిస్తోంది.