బిగ్‌బాస్‌ను ముందుండి నడిపించేది ఆ కంటెస్టెంటేనా..? షాడో బిగ్‌బాస్‌ అంటూ ట్రోల్స్!

దిశ, వెబ్‌డెస్క్: బిగ్ బాస్ సీజన్ 7 ఎంతో రసవత్తరంగా సాగుతోంది. నాగార్జున చెప్పిన ఉల్టా పుల్టా గేమ్స్‌తో హౌస్‌లో మరింత సస్పెన్స్ నెలకొంటోంది. 14 మందితో షో స్టార్ చేసిన బిగ్ బాస్ నిర్వాహకులు.. తర్వాత వైల్డ్ కార్డు ఎంట్రీతో మరో ఐదుగురిని హౌస్‌లోకి పంపించారు. ఇక నిన్నటితో బిగ్ బాస్ హౌస్‌లో పది మంది కంటెస్టెంట్స్ నిలిచారు. అయితే.. హౌస్‌లో బిగ్ బాస్ ఏది చెప్తే అదే నడుస్తుంది. ఆయన కూర్చోమంటే కూర్చోవాలి.. పడుకో అంటే పడుకోవాలి. కానీ, అదంతా గత సీజన్లకే పరిమితమయింది.

సీజన్‌-7లో బిగ్ బాస్‌ కేవలం టాస్క్ ఇవ్వడం వరకే పరిమితం అయ్యాడు. గేమ్స్ ఆడించడం.. జడ్జిమెంట్ ఇవ్వడం ఒక్కరే చేస్తున్నారు. హౌస్‌లో కంటెస్టెంట్‌గా ఉంటూనే షాడో బిగ్‌బాస్‌గా మారిపోయాడు. ఆఖరికి హోస్ట్ నాగార్జున కూడా అతని నిర్ణయాన్నే ఫైనల్ చేస్తున్నారు. ఎంత మంది ఎన్ని రకాలుగా ఆయనపై కంప్లైంట్స్ ఇచ్చినా కవర్ చేసేందుకు చూస్తారు నాగార్జున. ఆ వ్యక్తి ఎవరని అనుకుంటున్నారా..? అతను మరెవరో కాదు.. బిగ్ బాస్ కంటెస్టెంట్స్‌ పెద్దన్న శివాజీ. ఈ పేరు చెప్పగానే మీకు కూడా నిజమే కదా అనే డౌట్ రాకపోదు. ఎందుకంటే.. బిగ్ బాస్‌లో ఎవరు ఏ గేమ్‌లో ఆడాలో సాధారణంగా అయితే బిగ్ బాస్ చెప్పాలి. కానీ ఈ సీజన్‌లో మాత్రం శివాజీనే అన్ని ఫైనల్ చేస్తున్నాడు. నువ్వు ఇలా ఆడు, నువ్వు ఇలా చెయ్యి అంటూ హౌస్ మేట్స్‌కు ట్రైనింగ్ ఇస్తున్నాడు. ఫిజికల్ గేమ్స్ ఆడనప్పటికీ వారం వారం సేవ్ అవుతూ బిగ్ బాస్ హౌస్‌లో ఉంటున్నాడు అంటే ఇది కూడా ఓ కారణంగా చెప్పుకోవచ్చు.

ఇక హౌస్‌లో ఏం జరిగింది ఎవరు ఏంటీ అనే దానికి నాగార్జున కూడా చాలా విషయాల్లో జడ్జిమెంట్ శివాజీనే అడుగుతున్నాడు. ఆయన నిర్ణయమే తుది నిర్ణయంగా మారింది. దీంతో బిగ్ బాస్‌ను ముందుండి నడిపించేది శివాజీనే అంటూ ఫన్నీ కామెంట్స్ పెడుతున్నారు కొంత మంది నెటిజన్లు. తాజాగా దీపావళి పండుగ (ఆదివారం) రోజు జరిగిన ఎపిసోడ్ లో కూడా ఇదే రుజువైంది. బిగ్‌బాస్‌ హౌస్‌లో ఉన్న కంటెస్టెంట్స్ పేరెంట్స్ సైతం శివాజీనినే పొగిడారు. టాప్ 5 కంటెస్టెంట్లలో ఆయనకే ఎక్కువ ఓట్లు వేశారు. బిగ్‌బాస్ హౌస్ చాణక్యగా పేరు పెట్టారంటే శివాజీ హౌస్‌లో ఎంతటి శక్తివంతమైన కంటెస్టెంట్‌గా ఉన్నాడో అర్ధం చేసుకోవచ్చు.

Read More..

  ‘భగవంత్ కేసరి’ కాదు.. నా అసలు రీఎంట్రీ సినిమాలు ఆ రెండే: కాజల్