వచ్చేసిన ప్రోమో.. హ్యామర్‌తో ఒక్కొక్కరి ఫొటోలు బద్దలయ్యాయిగా..

దిశ, వెబ్‌డెస్క్: బిగ్ బాస్ సీజన్ 7 ఆల్ మోస్ట్ చివరి దశకు చేరుకుంది. ఈ క్రమంలోనే హౌస్‌లో పోటీ, గేమ్స్, గొడవలు కూడా ఓ రేంజ్‌లో జరుగుతున్నాయి. ఇక ఈ వారం మొత్తం మీద చూసుకుంటే.. శోభా శెట్టి, యావర్, శివాజీ మధ్య గొడవ. ఇక ప్రశాంత్, అమర్‌ల మధ్య గొడవలు గట్టిగానే జరిగాయి. దీనిపై హోస్ట్ నాగార్జున ఎలా రియాక్ట్ అవుతారు. సీరియస్‌గా రియాక్ట్ అవుతారా లేక మళ్లీ సీరియల్ బ్యాచ్‌కు సపోర్ట్‌గా మాట్లాడతారా అని బిగ్ బాస్ ప్రేమికులు ఈరోజు ప్రోమో కోసం ఎంతో ఈగర్‌గా వెయిట్ చేస్తున్నారు. ఇక ఎట్టకేలకు ప్రోమో రిలీజ్ చేశారు మేకర్స్.

రావడంతోనే హోస్ట్ నాగార్జున హ్యామర్‌తో దర్శనమిచ్చాడు. ఇక నాగార్జున స్టార్ట్ చేస్తూనే శోభా శెట్టి ఫొటో బద్దలు కొడుతూ.. వీడియో ప్లీజ్ అన్నాడు నాగ్. వీడియోలో శోభా.. ఈ శనివారం నేను A to Z తియ్యకపోతే నేను శోభా శెట్టినే కాదు అంటూ ప్రియాంకతో అంటుంది. అయితే.. నాగార్జున నువ్వు శోభాశెట్టివే ఏం చెప్పాలి అనుకుంటున్నావో A to Z మొత్తం చెప్పు అంటాడు. ఇక శోభా మాట్లాడుతూ.. ‘ప్రతిసారి శివాజీ ఫేవరిజం అంటున్నారు. లాస్ట్ వీక్‌కి వచ్చేశాం కాబట్టి నాకు కూడా క్లారిటీ కావాలి నేను ఎవరి విషయంలో ఫేవరిజం చూపించానో చెప్పండి’ అంటూ ప్రశ్నించింది.

ఇక నాగార్జున స్టార్ట్ చేస్తూ.. సంచాలక్‌గా నువ్వు చేసింది ఏంటీ. ప్రియాంకను సపోర్ట్ చేశావు. సంచాలక్ అంటే ఒకరి వైపు ఉండకూడదు. నువ్వే ఓపెన్‌గా చెప్తున్నావు. నేను ప్రియాంకకు సపోర్ట్ చేస్తాను అని. మరి ఫేవరిజం అనకుండా ఎలా ఉంటారు అని అంటాడు హోస్ట్. దానికి శోభా స్పందిస్తూ.. ఈ వీక్ అంతా నా మైండ్ డిస్టబింగ్‌గా ఉందని చెబుతుంది. నీ మైండ్ డిస్టబింగ్‌గా ఉండటమే కాకుండా నీ ఆటను డిస్టబ్ చేసుకుంటా ఎదుటి వాళ్ల ఆటను కూడా డిస్టబ్ చేశావు. అందరిని రెచ్చగొట్టావు అంటూ వీడియో ప్లే చేసి మరీ ఓ రేంజ్‌లో ఫైర్ అవుతాడు. తర్వాత యావర్ ఫొటో హ్యామర్‌తో పగల గొడుతూ.. యావర్ శోభాశెట్టి విషయంలో ఛీ.. తూ.. అంటూ మాట్లాడటంపై ఫైర్ అవుతాడు నాగ్.