బిగ్‌బాస్ ఓ చెత్త షో.. సంచలన ట్వీట్ చేసిన అల్లు అర్జున్ హీరోయిన్

దిశ, వెబ్‌డెస్క్: బిగ్‌బాస్ షోలు తెలుగు, హిందీ, తమిళం, కన్నడలో, మలయాళ వంటి భాషల్లో విజయవంతంగా పలు సీజన్లను పూర్తి చేసుకున్నాయి. ఇప్పటికీ కూడా పోటాపోటీగా ప్రసారమవుతున్నాయి. కొన్ని బాషల్లో బిగ్‌బాస్ మరీ ఘోరమైన టాస్కులు ఇస్తున్న విషయం తెలిసిందే. అలాగే కొందరు కంటెస్టెంట్స్ టాస్కుల్లో భాగంగా రొమాన్స్‌తో రెచ్చిపోతున్నారు. ఈ షోపై తాజాగా, ఓ తెలుగు హీరోయిన్ సంచలన ట్వీట్ చేసింది. ఇక ఆమె ఎవరో కాదు ఐకాన్ స్టార్ అల్లు అర్జున్‌తో ‘వరుడు’ మూవీలో నటించిన భానుశ్రీ మెహ్ర.

ఈ సినిమా తర్వాత ఆమె డింగ్ డాంగ్ బెల్, గోవిందుడు అందరి వాడేలే, బ్రదర్ ఆఫ్ బొమ్మాలి, అలా ఎలా రన్, మిస్ ఇండియా,10th క్లాస్ వంటి చిత్రాల్లో నటించినప్పటికీ క్రేజ్ తెచ్చుకోలేకపోయింది. ఇటీవల భానుశ్రీ ‘లియో’ మూవీతో ప్రేక్షకులను పలకరించింది. అయితే భానుశ్రీ సోషల్ మీడియాలో యాక్టీవ్‌గా ఉంటూ పలు వివాదాస్పద పోస్టులతో వార్తల్లో నిలుస్తుంది. ఇక మరోసారి ఈ అమ్మడు చేసిన పోస్ట్ నెట్టింట వైరల్‌గా మారింది. ‘‘ బిగ్‌బాస్ షోని జనాలు ఎలా చూస్తున్నారా అని నేను ఇప్పటికీ ఆశ్చర్యపోతుంటాను. దానికి తోడు ఎప్పటికప్పుడు కొత్త సీజన్స్ వస్తూనే ఉన్నాయి. నా దృష్టిలో ఇది ఓ చెత్త షో. నా ఇన్‌స్టా ఫీడ్ అంతా కూడా బిగ్‌బాస్ వీడియోలతో నిండిపోతోంది’’ అని రాసుకొచ్చింది. ప్రస్తుతం భానుశ్రీ పోస్ట్ నెట్టింట చక్కర్లు కొడుతోంది. అయితే బిగ్‌బాస్ షోకు నెగిటివ్‌ కామెంట్స్ రావడం ఇదే మొదటిసారి కాదు. ఇప్పటికే చాలా మంది ఈ షో గురించి పలు కామెంట్స్ చేశారు. ఇప్పటికీ ఈ షోను ప్రసారం చేయకూడదని కూడా కొందరు నెట్టింట రచ్చ చేస్తున్నారు.