బిగ్‌బాస్-7: విన్నర్‌గా చరిత్ర సృష్టించిన రైతు బిడ్డ.. లక్ మాత్రం ఆ ఇద్దరికే!

దిశ, వెబ్‌డెస్క్: 100 రోజులకు పైగా ప్రేక్షకులను అలరించిన బిగ్ బాస్ తెలుగు 7 గ్రాండ్ ఫినాలేకి చేరుకుంది. చివరికి ఆరుగురు ఫైనలిస్టుగా మిగిలారు. ఇందులో పల్లవి ప్రశాంత్, అమర్ దీప్, శివాజీ, యావర్, అర్జున్, ప్రియాంక ఫైనల్‌కు చేరుకున్నారు. నిన్న రాత్రి ఓటింగ్ లైన్లు మూసివేయబడ్డాయి టీమ్ ఫైనల్ ఎపిసోడ్ షూటింగ్‌లో నిమగ్నమై ఉంది. అయితే ఆదివారం నాడు బిగ్‌బాస్-7 విన్నర్ ఎవరు అవుతారో అని ప్రేక్షకుల్లో ఆసక్తి ఎంతగానో ఉంది. ఎందుకంటే.. అన్ని సీజన్ల మాదిరిలా కాకుండా.. ఈ సీజన్ ఉల్టా పుల్టా అని మొదటి నుంచి హోస్ట్ నాగార్జున గుర్తు చేస్తున్న సంగతి తెలిసిందే. ఈ సారి అన్ని ఎపిసోడ్‌లు ప్రేక్షకులను కట్టిపడేశాయి. ఒక ఆదివారం డిసెంబర్ 17 బిగ్‌బాస్ ఫైనల్ ఎపిసోడ్ ప్రసారం కానుంది. ఇందులో పలువురు హీరోయిన్స్, కంటెస్టెంట్స్ డ్యాన్సులతో హోరెత్తించడానికి రెడీ అవుతున్నారు. ఇదిలా ఉంటే తాజాగా, అందుతున్న సమాచారం ప్రకారం బిగ్‌బిస్ విన్నర్‌గా పల్లవి ప్రశాంత్ నిలిచినట్లు సమాచారం. ఆయన మొదటి ఎపిసోడ్ నుంచి తనదైన ఆటను కనబరుస్తూ.. అన్ని టాస్కుల్లో మిగతా కంటెస్టెంట్స్‌కు గట్టి పోటీనిస్తూ ఆడారు.

అంతేకాకుండా ఓ కామన్ మ్యాన్‌గా ఇంట్లోకి ఎంట్రీ ఇచ్చి రైతు బిడ్డగా అందరి ప్రేమాభిమానాలు పొందాడు. అలాగే బయట ఎంతో ఫ్యాన్స్‌ను సంపాదించుకున్నాడు. చివరికి ఓ రైతు బిడ్డ విన్నర్‌గా నిలిచి చరిత్ర సృష్టించాడు. జరిగిన ఆరు సీజన్లలో ఇప్పటివరకు కామన్ మ్యాన్‌గా ఎంట్రీ ఇచ్చిన వారు ఎవరూ విన్నర్ కాలేదు. మొదటి సారి ఓ రైతు బిడ్డ విన్నర్‌గా నిలిచి చరిత్ర సృష్టించాడు. అయితే రన్నర్‌గా అమర్ దీప్ నిలిచారు. అలాగే 3వ స్థానంలో శివాజీ, 4వ స్థానంలో యావర్, 5 ప్రియాంక, 6వ ప్లేస్‌లో అర్జున్ ఉన్నట్లు సమాచారం. అయితే నిన్న జరిగిన ఎపిసోడ్‌లో బిగ్‌బాస్ రూ.15 లక్షల డబ్బులు ఆఫర్ చేయగా వాటిని యావర్ దక్కించుకుని బయటకు వచ్చినట్లు తెలుస్తోంది. ఒక రన్నర్‌గా నిలిచిన అమర్ దీప్‌ కూడా 25 లక్షలు తీసుకున్నారట. అయితే విన్నర్‌గా పల్లవి ప్రశాంత్ గెలిచినా డబ్బుల విషయంలో మాత్రం యావర్, అమర్‌కే లక్కు కలిసొచ్చిందని ప్రేక్షకులు అభిప్రాయ పడుతున్నారు. కాగా, గ్రాండ్ ఫినాలే ఈవెంట్‌కు సూపర్‌స్టార్ మహేష్ బాబు ముఖ్య అతిథిగా వస్తారని, నాగార్జున రాబోయే చిత్రం ‘నా సామి రంగ’ టీజర్‌ను కూడా లాంచ్ చేయనున్నట్లు తెలుస్తోంది. ఈ ఎపిసోడ్ ఈ రోజు సాయంత్రం 7 గంటలకు గ్రాండ్‌గా ప్రారంభం కానుంది.