బిగ్‌బాస్-7: మరొక కంటెస్టెంట్ ఔట్.. హమ్మయ్య అనుకుంటున్న నెటిజన్లు

దిశ, వెబ్‌డెస్క్: బిగ్‌బాస్ తెలుగు సీజన్-7 ముగింపు దశకు చేరుకుంది. దీంతో కంటెస్టెంట్స్ కప్పు కోసం పోటీ పడి ఆడుతున్నారు. టాస్కుల్లో ప్రాణం పెట్టి మరీ ఆడుతూ వైల్డ్‌గా ప్రవర్తిస్తున్నారు. వచ్చే వారం గ్రాండ్ ఫినాలే ఉండటంతో ప్రేక్షకుల్లో ఆసక్తి మరింత పెరిగింది. అయితే గత వారం గౌతమ్ ఇంటి నుంచి బయటకు వచ్చేసిన విషయం తెలిసిందే. ఈ వారం నామినేషన్స్‌లో అమర్, ప్రశాంత్, ప్రియాంక, శివాజీ, శోభా, యావర్ నామినేషన్స్‌లో ఉన్నారు. ఇక ఈ వారం వీకెండ్‌కు చేరుకుంది. తాజాగా, అందుతున్న సమాచారం ప్రకారం తక్కువ ఓట్లు సాధించి శోభాశెట్టి ఇంటి నుంచి బయటకు వచ్చేసినట్లు తెలుస్తోంది. ఈ వారం ఎక్కువగా ఆడకపోవడంతో శోభా శెట్టి ఎలిమినేట్ అయింది. అయితే గత కొద్ది రోజుల నుంచి సోషల్ మీడియాలో శోభాశెట్టి ట్రోలింగ్ ఎదుర్కొంటున్న విషయం తెలిసిందే. ఆమె ఎప్పుడు ఎలిమినేట్ అవుతుందా అని ఎదురు చూశారు.

ఎట్టకేలకు శోభాశెట్టి ఎలిమినేట్ అవడంతో నెటిజన్లు హమ్మయ్య అనుకుంటున్నారు. బిగ్‌బాస్ ఇంటికి పట్టిన దరిద్రం పోయిందని మరి కొందరు కామెంట్లు చేస్తున్నారు. కాగా, ఇంకా బిగ్‌బాస్ ఇంట్లో ప్రశాంత్, అమర్, ప్రియాంక, అర్జున్, శివాజీ, యావర్ కంటెస్టెంట్స్ ఉన్నారు. వచ్చే వారం ఒకరు ఎలిమినేట్ అయితే ఫినాలో ఎపిసోడ్‌లో భాగంగా ముగ్గురు ఎలిమినేట్ అవుతారు. విన్నర్, రన్నర్ మాత్రమే ఇంట్లో ఉంటారు. చివరికి విన్నర్ మిగులుతారు. వారిని నాగార్జున ఎప్పటిలాగానే ఇంట్లోకి వెళ్లి స్టేజ్ మీదకు తీసుకుని వస్తారు. అయితే ఈ సారి ఎవరు విన్నర్, ఎవరు రన్నర్ అవుతారో అన్న విషయం నెట్టింట హాట్ టాపిక్‌గా మారింది. ఎందుకంటే సీజన్ ప్రారంభానికి ముందే నాగార్జున ఆరు సీజన్లలాగా ఇది ఉండదని.. మొత్తం ఉల్టా పుల్టా ఉంటుందని తెలిపారు. చివరికి ఏం జరుగుతుందో అని అందరి దృష్టి ప్రస్తుతం బిగ్‌బాస్-7 సీజన్‌పై ఉంది.