అమర్ దీప్‌కు సపోర్ట్‌ చేస్తూ వీడియో రిలీజ్ చేసిన అరియానా.. ఆడేసుకుంటున్న నెటిజన్లు

దిశ, వెబ్‌డెస్క్: బిగ్‌బాస్ సీజన్-7 టాస్క్‌లతో ప్రతి వారం చాలా రసవత్తరంగా కొనసాగుతుంది. ఇందులో సీరియల్ హీరో అమర్ దీప్ పాల్గొన్న సంగతి తెలిసిందే. అయితే నాగార్జునతో.. ఇటు బిగ్ బాస్ తో తిట్లు తింటున్నాడు. ప్రతి వారం నామినేషన్స్ లో ఉంటూ ఏదోరకంగా తప్పించుకుంటున్నాడు. ప్రతివారం గేమ్ ను ఇంప్రూవ్ చేసుకుంటా అని చెప్తూనే ఉన్నాడు కానీ గేమ్ మాత్రం ఇంప్రూవ్ చేసుకోవడం లేదు. దీంతో అమర్ దీప్ పై నెగిటివ్ కామెంట్స్ ఎక్కువగా వినిపిస్తున్నాయి.

ఈ క్రమంలో తాజాగా, మాజీ బిగ్‌బాస్ కంటెస్టెంట్ అరియానా, అమర్ దీప్ కు సపోర్ట్ చేసి నెటిజన్స్ చేత ట్రోల్స్ కు గురైంది. ఆ అమ్మడు బిగ్ బాస్ నుంచి బయటకు వచ్చిన తర్వాత సోషల్ మీడియా వేదికగా హాట్ హాట్ ఫోటోలు పోస్ట్ చేస్తూ ఆకట్టుకుంటుంది. తాజాగా అమర్ దీప్ కు మద్దతు తెలిపింది అరియానా. ‘‘అమర్ దీప్ ఖచ్చితంగా ట్రాక్ లోకి వస్తాడు. టైం కలిసి రావడం లేదు. హౌస్ లో ఉన్న వారు కాకుండా కొత్త గా వచ్చిన వారు కూడా అమర్ కు చాలా కావాల్సిన వాళ్ళు. తన ఫ్రెండ్స్ తనను నామినేట్ చేయరు అర్థం చేసుకుంటారు అనుకున్నాడు. కానీ వాళ్ళు కూడా తనను నామినేట్ చేయడంతో డిస్ట్రబ్ అయ్యాడు. అమర్ ది మంచి తనమో వెర్రితనమో అర్థం కావడం లేదు. లెటర్ వచ్చినప్పుడు అది చదివి ఉంటే ఇప్పుడు ఈ పరిస్థితి వచ్చేది కాదు. మొత్తానికి అరియానా అమర్ కు సపోర్ట్ చేస్తూ వీడియో రిలీజ్ చేసింది. దీంతో అది చూసిన నెటిజన్స్ ఓ రేంజ్ లో ఆడుకుంటున్నారు. అంతేకాకుండా నెగిటివ్ కామెంట్స్ తో రచ్చ చేస్తున్నారు.