Inter Board:ఇంటర్ విద్యార్థులకు బిగ్ అలర్ట్.. టైం టేబుల్ వచ్చేసింది!

దిశ,వెబ్‌డెస్క్: రాష్ట్రంలో నిన్న(మంగళవారం) ఇంటర్మీడియట్(Intermediate) మొదటి, ద్వితీయ సంవత్సరాల పరీక్షా ఫలితాలు విడుదలైన విషయం తెలిసిందే. ఈ క్రమంలో తెలంగాణలో గత ఏడాదితో పోల్చితే ఈ సంవత్సరం అధిక ఉత్తీర్ణత శాతం నమోదైందని డిప్యూటీ సీఎం భట్టి విక్రమార్క తెలిపారు. అయితే ఇంటర్ ఫలితాల్లో ఫెయిల్ అయిన వారికి సప్లిమెంటరీ పరీక్షలు నిర్వహిస్తారనే విషయం తెలిసిందే. ఈ క్రమంలో ఇంటర్ అడ్వాన్స్‌డ్ సప్లిమెంటరీ పరీక్షలకు ఫీజు చెల్లింపునకు ఈ నెల(ఏప్రిల్) 30 వరకు గడువు పెట్టారు. ఇదిలా ఉంటే.. తాజాగా తెలంగాణ(Telangana) ఇంటర్ బోర్డు కీలక ప్రకటన విడుదల చేసింది. అడ్వాన్స్‌డ్ సప్లిమెంటరీ పరీక్షల షెడ్యూల్ విడుదల చేసింది. వచ్చే నెల(మే) 22 నుంచి 29వ తేదీ వరకు నిర్వహిస్తున్నట్లు విద్యాశాఖ అధికారులు తెలిపారు.

ఈ క్రమంలో ఉదయం, మధ్యాహ్నం రెండు సెషన్లలో పరీక్ష నిర్వహించనున్నారు. ఈ తరుణంలో ఉదయం 9 గంటల నుంచి 12 గంటల వరకు ఇంటర్ ప్రథమ సంవత్సరం, మధ్యాహ్నం 2.30గంటల నుంచి సాయంత్రం 5.30 గంటల వరకు ద్వితీయ సంవత్సరం విద్యార్థులకు సప్లిమెంటరీ పరీక్షలు(Supplementary Exams) నిర్వహిస్తారు. ఈ మేరకు ఇంటర్ బోర్డు కార్యదర్శి కృష్ణ ఆదిత్య తెలిపారు. ఇక ఇంటర్ ఒకేషనల్ కోర్సులు అభ్యసిస్తున్న విద్యార్థులు సైతం ఇదే టైం టేబుల్ వర్తిస్తుందని స్పష్టం చేశారు. అలాగే జూన్ 3 నుంచి 6వ తేదీ వరకు రెండు సెషన్లలో ప్రాక్టికల్ పరీక్షలు జరుగుతాయని పేర్కొన్నారు. జూన్ 9 నుంచి ఫస్ట్ ఇయర్, 10న సెంకడియర్ ఇంటర్ విద్యార్థులకు ఇంగ్లీష్ ప్రాక్టికల్ పరీక్షలు జరగనున్నాయి. పూర్తి వివరాల కోసం అధికారిక https://tgbie.cgg.gov.in/ వెబ్సైట్ సందర్శించండి.

ఇంటర్ ఫస్ట్ ఇయర్ టైం టేబుల్

మే 22 – సెకండ్ లాంగ్వేజ్ పేప‌ర్ -1

మే 23 – ఇంగ్లీష్ పేప‌ర్ -1

మే 24 – మ్యాథ్స్ పేప‌ర్ 1ఏ, బోట‌ని పేప‌ర్ -1, పొలిటిక‌ల్ సైన్స్ పేప‌ర్ -1

మే 25 – మ్యాథ్స్ పేప‌ర్ 1బీ, జువాల‌జీ పేప‌ర్ -1, హిస్టరీ పేప‌ర్ -1

మే 26 – ఫిజిక్స్ పేప‌ర్ -1, ఎకాన‌మిక్స్ పేప‌ర్ -1

మే 27 – కెమిస్ట్రీ పేప‌ర్ -1, కామ‌ర్స్ పేప‌ర్ -1

మే 28 – ప‌బ్లిక్ అడ్మినిస్ట్రేష‌న్ పేప‌ర్ -1, బ్రిడ్జి కోర్సు మ్యాథ్స్ పేప‌ర్ -1

మే 29 – మోడ్రన్ లాంగ్వేజ్ పేప‌ర్ -1, జియోగ్రఫీ పేప‌ర్ -1

ఇంటర్ సెకండియర్ టైం టేబుల్

మే 22 – సెకండ్ లాంగ్వేజ్ పేప‌ర్ -2

మే 23 – ఇంగ్లీష్ పేప‌ర్ -2

మే 24 – మ్యాథ్స్ పేప‌ర్ 2ఏ, బోట‌ని పేప‌ర్ -2, పొలిటిక‌ల్ సైన్స్ పేప‌ర్ -2

మే 25 – మ్యాథ్స్ పేప‌ర్ 2బీ, జువాల‌జీ పేప‌ర్ -2, హిస్ట‌రీ పేప‌ర్ -2

మే 26 – ఫిజిక్స్ పేప‌ర్ -2, ఎకాన‌మిక్స్ పేప‌ర్ -2

మే 27 – కెమిస్ట్రీ పేప‌ర్ -2, కామ‌ర్స్ పేప‌ర్ -2

మే 28 – ప‌బ్లిక్ అడ్మినిస్ట్రేష‌న్ పేప‌ర్ -2, బ్రిడ్జి కోర్సు మ్యాథ్స్ పేప‌ర్ -2

మే 29 – మోడ్రన్ లాంగ్వేజ్ పేప‌ర్ -2, జియోగ్రఫీ పేప‌ర్ -2